Алматыдағы "Медеу" мұз айдынында жаппай сырғанау маусымы ашылды (фото)

"Медеу" биік таулы мұз айдынында көптен күткен жаппай сырғанау маусымы ашылды. Бұл туралы KAZ.NUR.KZ қала әкімдігіне сілтеме жасап хабарлайды.

Маусымның ашылу салтанатында қазақстандық эстрада жұлдыздары өнер көрсетті.

Биыл мұз айдыны әдеттегіден ерте ашылып, келушілерге тосынсый жасады.

Алматы спорт нысандары дирекциясының өкілі Олжас Ершеев бұл іс-шараның демеушілердің қолдауымен аз бюджетпен өткенін атап өтті.

"Біз тұрақты келушілердің пікірін ескеріп, инфрақұрылымды жақсарттық және барша жанға ерекше мерекелік көңіл-күй сыйлауға тырыстық", — деді ол.