"Үйретіп тастаймын": Гүлзира Айдарбекова келіндеріне қандай талап қоятынын айтты

Отандық танымал продюсер Гүлзира Айдарбекова желіде өзі қандай ене екенін айтып, келіндері алғаш түскен күннен бастап оларға қандай талап қоятынын жеткізді. Бұл туралы KAZ.NUR.KZ жазады.

Жұлдызды ене сырттан түрлі тағам жеп жатса да, бәрібір үйдің тамағын сағынатынын жасырмады. Сол себепті ол келіндеріне бірден өзінің ет асу әдісін үйретіп қоятынын жеткізді.

Оған қоса Айдарбекова шаңырағындағы отбасылық кештерді қатты жақсы көретінін айтты.

"Қанша жерден түрлі тағам жет жатсақ та, өз үйіңнің дәмі бөлек қой?! Аңсап келесің. Келіндерді қолдан нан жабуға, етті сүрлеп, иісін бұрқыратып асып қоюларына о бастан үйретіп тастаймын. Ертең өз келіндері де осылай күтетін шығар?! Қай жаққа кетсем де, осы сәтті сағынамын. Отбасымен ыстық ұямызда жиналып, қалған бар тақылауды ақылдасамыз", – деп жазды продюсер Instagram-дағы парақшасында.