"Бізге өзі жазды": NE PROSTO ORCHESTRA "Kara Sevda" композиторымен қалай танысқанын айтты

Бүгінде аты көпшілікке танылып келе жатқан NE PROSTO ORCHESTRA атты отандық симфониялық оркестр мүшелері сұқбат беріп, шығармашылығы жөнінде сыр шертті. Қазақстандық ұжым өз елімізде ғана емес, халықаралық деңгейде де таныла бастағанын жасырмады, деп жазады KAZ.NUR.KZ.

Түрлі музыкалық бағыттарды қарастыратын NE PROSTO ORCHESTRA ұжымы түрік сериалдарының саундректері шырқалған концерттері аса сәтті болғанын айтты. Бұл кештердің видеосы Түркия еліне тарап, әйгілі композитор Тойгар Ышыклының назарын аударған.

Көпшілікке танымал "Kara Sevda" сериалының әндерін жазған сазгер қазақстандық симфониялық оркестерге аса тәнті болып, оларға бірге өнер көрсетуге өзі ұсыныс жасаған.

"Бір күні Ташкентте "Kara Sevda" сериалының саундректерін қойдық. Сол концерттегі видео Түркияға тарап кетті. Бурак Озчивит, әкімшіліктері де бөлісті. Сөйтіп бізге сол "Kara Sevda" композиторы Тойгар Ышыклы біздің парақшамызға жазады. Бірге өнер көрсетіп, сахнаға шығуға ұсыныс жасайды. Біз қатты қуандық. Ол кісіге жазып хабарласып, екі-үш айдан кейін оны Қазақстанға шақырдық. Алматы мен Астанада аншлаг жасап, үлкен концерт бердік. Алматыда 2 концерт, Астанада да екі рет өнер көрсеттік", - деді оркестр дирижері "Қызық Times" бағдарламасында.