"ІІМ берді": Төреғали Төреәлінің күйеу баласы ерекше марапатқа ие болды (фото)

"Ұлы дала баласы" Төреғали Төреәлінің күйеу баласы, белгілі спортшы Дархан Нортаев ерекше марапатқа ие болды. Бұл туралы KAZ.NUR.KZ жазады.

Дархан Нортаев қуанышты жаңалығын Instagram-дағы парақшасында жария етті. Фариза Төреәлінің жолдасы Ішкі істер министрлігінен ерекше марапат алған. Бұл алғыс хатты спортшыға "Қазақ полициясы" бейнебаянын түсіріп бергені үшін табыстаған.

"Бүгін Ішкі істер министрлігінен осындай алғыс хат алдым", - деп мақтанды ол.

"Қазақ полициясы" бейнебаянын түсіріп, полицияның оң имиджін қалыптастыруға, қоғамдағы беделін арттыруға қосқан елеулі үлесі үшін Дархан Нортаев марапатталады", - делінген алғыс хатта.