"Құттықтаулар қабылдаймыз": Төреғали Төреәлінің қарындасы екінші перзентін дүниеге әкелді (фото)

Қазақстандық танымал әнші Төреғали Төреәлінің кіші қарындасы, блогер Дина Төреәлінің отбасында қуанышты жағдай болды. Желі жұлдызы екінші сәбиін дүниеге әкелді, деп жазады KAZ.NUR.KZ.

Бұл қуанышты жаңалығын Дина Төреәлі Instagram-дағы парақшасында жариялады. Блогер перзентханадан фото бөлісіп, көпшіліктен сүйінші сұрады.

"Қош келдің өмірге, балапаным. Көп күттірмей Аллам тағы да ата-ана атануды нәсіп етіпті. Тілеп, күтіп жүрген барша жанға жұғысты болсын! Құттықтауларыңызды қабылдаймыз. Көп тілеуі қабыл балапанымызға жақсы тілектеріңізді жаза кетіңіздер", - деп жазды желі жұлдызы.

Ерлі-зайыпты оқырмандарға қуанышты жаңалықты жария еткенімен, перзентінің жынысын әлі хабарлаған жоқ.

Желі қолданушылары олар үшін қуанып, ақ тілектерін жаудырды.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз