Әйгілі Селена Гомес тұрмысқа шықпақ: әншінің сүйіктісі үйленуге ұсыныс жасады (фото)

Әлемге әйгілі америкалық әнші әрі актриса Селена Гомес ресми түрде қалыңдық атанды. Өнер иесінің сүйіктісі оған үйленуге ұсыныс жасап, оның "иә" деген жауабын алған, деп жазады KAZ.NUR.KZ.

Бұл қуанышты жаңалықты Селена Гоместің өзі Instagram-дағы парақшасында жария етті. Қуанышы қойнына сыймаған әнші бақытты сәтінен фото бөлісіп, барша тыңдарманын қуанытты.

"Мәңгілік осы сәттен басталады", - деген жазба қалдырды өнер иесі.

Желіде жарияланған кадрларда актрисаның сақинасын көрсетіп тұрғанын байқауға болады.

32 жастағы Селена Гоместің таңдауы белгілі америкалық продюсер Бенни Бланкоға түскен. Қос ғашық бұрыннан таныс болып шықты. 2019 жылы олар "I Can't Get Enough" атты туындыны бірге жарыққа шығарды. Ал өткен жылы Бенни Бланко Селенаның "Single Soon" әніне продюсерлік етті.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз