Сырым Исабаев Қайрат Нұртаспен арақатынасы туралы бар шындықты айтты

Отандық танымал әнші Сырым Исабаев өнердегі Қайрат Нұртаспен жанжалдасып қалғаны туралы қаусеттерге жауап берді. Ол жұлдызды досымен шын мәнінде қандай қарым-қатынаста екенін ашып айтты, деп жазады KAZ.NUR.KZ.

Сырым Исабаев көпшілік көкейінде жүрген сұраққа "1001 түн" бағдарламасында жауап берді. Ол бүгінде Қайрат екеуіне қатысты айтылып жатқан қауесеттерді жоққа шығарды.

"Қайрат екеумізге айтылған әңгіменің бәрі жалған. "Ренжісіп қалыпты, ақшаға таласыпты" деген сөздердің бәрі өсек. Мен 10 жылға жуық өнерден кетсем де, өнердегі достарымды сақтап қалдым. Қайрат та жеке әнші болып танылды. Мен де ән айтып жүріп, Қайраттың анасының көзіне түсемін. Сондай кезде дуэт жазу идеясы ойға келеді. Бір жыл ішінде бірнеше ән жазып, бейнебаян түсірдік. Біздің дуэтімізге менің әкем демеуші, Қайраттың анасы продюсерлік етті. Жобаларымыздың бәрі халықтың көңілінен шықты. Қайраттың таланты керемет. Қанша жыл сахнада жүр, әлі де берері көп азамат. Қайратпен жұмыс істеу өте жеңіл болды", - деді өнер иесі. 

Мәтіннен қате тапсаңыз, бізге жазыңыз