"Шөптің үстінде өлең айтқанмын": Бағдат Сәмидинова балалық шағын еске алды

Қазақстандық танымал әнші Бағдат Сәмидинова балалық шағын еске алып, өнер жолында жұлдызын жаққан "Сарыарқа" әні туралы айтты. Бұл туралы KAZ.NUR.KZ жазады.

Бағда Сәмидинова "1001 түн" бағдарламасында қонақта болып, өзі туралы ел білмейтін жайтты ақтарды. Әнші алғаш өнер көрсеткен сахнасы туралы айтып, елді таңғалдырды.

"Мен шөптің де үстінде өлең айтқанмын. Қорада бес сомның радиосы тұрады. Сол радиодан өлең естіп аламын да, сатымен шөптің үстіне шығып кетемін. Маған ән айту үшін биік жер керек сияқты болып тұратын. Мен өзім оңтүстіктің қызымын. Солтүстіктің әні бұйырып кетті. "Сарыарқа" әнін Сейдолла Бәйтереков пен Шөмішбай Сәриевтің жазып берді. Бұл туынды үш әлемді тоғыстырған десем де болады", - деді әнші.