Сәби сүюді аңсап жүрген танымал әзілкеш туған күнінде сүйінші жаңалығын айтты (видео)

"Елдос Колобок" есімімен танымал әзілкеш әрі асаба Елдос Қадірханов 33 жасқа толғанын ерекше атап өтті. Асаба Таразда 300-ге жуық адамның басын қосып, туған күнінде жақындарына сүйінші жаңалығын айтты, деп хабарлайды KAZ.NUR.KZ тілшісі.

Әзілкеш желіге көптен бері шықпай кетуінің себебі бар екенін жазды. Ол Таразда туған күнін атап өтіп, сол жиында жақындарына "өмірін өзгерткен" адамды таныстырды.

Тойда сөз алған туған күн иесінің айтуынша, астаналық дәрігер күрделі ота жасап, оған әке атану мүмкіндігін сыйлады.

"20 жасымда ұрпақ сүйе алмайсың деген диагноз қойылған. 33-ке келдім. 13 жыл өтті. Түркияға да барып емделдім. Астанада осы кісінің алдына бардым. Қазақстандағы үздік үштікке кіретін дәрігер. Үш жарым сағат операция жасады. Көзімді ашқанда осы кісіні көрдім. Бұл кісі маған "Сүйінші, енді сіз әке боласыз, шанс бар" деді. Қолыңыз дерт көрмесін! Бұл кісіні Таразға арнайы "мен үшін тілекші болып жүрген ортамды көріңізші" деп шақырдым.

Содан бері менің өмірім өзгерді, байқасаңыздар мен қазір әлеуметтік желіге кірмеймін, мен 13 жыл Instagram-мен алдандым, уақытымды өткізіп жүрдім. Қазіргі арманым - құдай қаласа жұбайым баламды емізіп берсе болды, әрі қарай өзім қараймын. Басқа ештеңе қызық емес", - деді ол.

Әзілкеш той қонақтарының алдында дәрігеріне алғыс айтып, жылқы мінгізді.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз