Айжұлдыз Адайбекова сүйіктісімен мешітте некесін қиды (видео)
Опубликовано:
Отандық танымал блогер әрі актриса Айжұлдыз Адайбекова сүйіктісі Сәкен Қағаровпен мешітте некесін қиды. Бұл туралы блогердің желі парақшасына сілтеме жасаған KAZ.NUR.KZ хабарлайды.
Блогер Instagram желісіндегі парақшасында ғашығымен мешітте некесін қиған сәттен видеоны жария еткен.
"Әрекет пен дұға түбі береке. 24.01.2025. Ерлі-зайыпты", - деп жазды Айжұлдыз видео астына.
Желі қолданушылары блогерге құттықтаулары мен ақ тілектерін жаудырды.
"Құтты болсын", "Мәңгілік бақытты неке", "Некелерің мәңгілік болсын", "Қайырлы неке болсын", Бақытты болыңдар", "Жандарым, бір-бірі үшін жаралғандай", - деп жазған пікір қалдырушылар.
Еске салсақ, бұған дейін Айжұлдыз Адайбекова Сәкен Қағаров есімді экстрим-блогермен көңіл жарастырғанын көпшілікке жария еткен еді. Көп ұзамай Сәкен Қағаров оған үйленуге ұсыныс жасады.
Жанар Айжанованың қызы Сәкен Қағаровпен бірге сұқбат беріп, жақын арада шаңырақ көтеретінін дүйім жұртқа хабарлаған болатын.
Айта кетсек, бұл Айжұлдыз Адайбекованың екінші некесі. 2020 жылы ол Қыран Талапбекке тұрмысқа шығып, арада көп уақыт өтпей ажырасып кеткен еді. Бүгінде олардың ортақ ұлы бар.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/showbiz/personal-life/2214845-aizhuldyz-adaibekova-suiiktisimen-meshitte-nekesin-qidy-video/