Үйлену тойының алдында дәм-тұзы жараспаған жұлдыздар кімдер?

Жұптары жазылмай жүрген жұлдыздарды көргенде, елдің той күтетіні анық. Алайда той орнына жұптары жараспағанын айтқан жұлдыздар жайлы NUR.KZ порталы хабарлайды.

Жақында ғана жеке кеші өткен Әлішер Кәрімов қалыңдығымен ажырасып кеткенін хабарлаған болатын. «Біз бақытты боламыз. Бірақ әркім өзінше» деген әнші сүйіктісімен түскен суреттерді желіге жүктейтін еді. Тіпті той күнін белгілеген жастар, ақыры ажырап тынды.

Әнші Луина өзінің продюсері Жомарт Сүлейменовпен жеті жылдан азаматтық некеде болды. Халық тойын күтіп жүргенде әнші продюсерімен ажырасқанын мәлімдеді. Жұбынан айырылған Луина енді Ресейдің шоу-бизнесіне біржола аттанбақ.

Әли Оқаповтың бейнебаянына түскен Ақбота-Нұр мен әнші көпшілік жарастырып тастаған еді. Екеуінен керемет жұп шығатынын айтқан халық көңілі алдамаған. Расымен, бір уақытта қос өнер иесінің арасында махаббат сезімі болған екен. Бірақ Әли Оқапов өздерін бір-біріне сай деп есептемегендіктен, жастар екіге айырылған.

Белгілі ақын Дидар Амантай былтырғы жылы әнші Гүлбаршын Тергеубекова өлең арнап, елді сүйсіндірген еді. Екеуінің араларында кішкентай қыздары бар шығармашылық адамдарының тойынан көп адам үмітті еді. Алайда әнші жақында ғана Дидар Амантаймен ажырасқанын мәлімдеген болатын. Ал ақын Гүлбаршынмен ешқашан отбасы құрмағанын жайып салды.

Ақбота Сейтмағамбет пен Дәурен Айдарқұловтың тойын да көпшілік сарыла күтті. Алайда бірінші отбасынан ажырасқан әртіс пен Ақботаның тойлары ақыры өтпеді. Араларында бір ұлдары бар өнер иелері үйленбей жатып ажырасып тынды.

Мәтіннен қате тапсаңыз, бізге жазыңыз