"Сот соңын күтейік": Асхат Садырбай өзіне жасалып жатқан құйтырқы әрекеттер туралы айтты

Отандық танымал журналист Асхат Садырбай желіде өзіне қатысты таралып жатқан жалған ақпараттар легін жоққа шығарды. БАҚ өкілі өз атына арнайы тапсырыспен құйтырқы әрекеттер жасалып, негізсіз айыптаулар тағылып жатқанын мәлімдеді. Ол өзінің абыройына нұқсан келтірген әрбір адамның заң жүзінде жауап беретінін ескертті деп жазады KAZ.NUR.KZ.

Асхат Садырбай Instagram желісінде азулы жазба жариялап, көпшілікке мәселенің ақ-қарасын нақты білмей жатып, шындыққа жанаспайтын ақпарат таратпауға шақырды.

Ол әзірге отбасында орын алған мәселені толықтай жария етпейтінін жеткізді.

Алайда, журналист өзін сынап жатқан жұртшылыққа алдағы уақытта олар бәрін түсінетінін хабарлады.

"Құрметтілерім! Соңғы уақытта менің атыма тапсырыспен жасалып жатқан құйтыртқы әрекеттерге, айтылып жатқан жалған ақпараттар мен негізсіз айыптауларға мән бермеңіздер!

Құдай сақтасын! Ол әңгімелердің ешқайсысы шындыққа жанаспайды. Бәріміз үмітпен ұрпақ өсіріп отырмыз. Соттың соңын күтейік.

Менің атыма тіл тигізіп, абыройыма нұсқан келітіріп жатқан жандарға артық сөздер үшін заң алдында жауап беретіндеріңізді ескертемін! Уақыты келгенде бәрін түсінесіздер. Алла жар болсын баршамызға! Тілектеріңізге рахмет! Қандай жағдай болмасын ардан аттамай, адам боп қалайық! Амандық болсын" , - деп жазды журналист.

Посмотреть эту публикацию в Instagram

Публикация от Instagram

Айта кетейік, бұған дейін Асхат Садырбай жанұясына қатысты шулы жаңалыққа жауап берген болатын. Ол екінші жарымен айырылысып кеткенін мәлімдеп, өзара бала мәселесін шеше алмай жатқанын айтып қалды.

Ең маңызды әрі қызықты жаңалықтарды біздің Telegram арнамыздан оқыңыздар!

Мәтіннен қате тапсаңыз, бізге жазыңыз