"Мен сияқтылар миллион": Алматыда той көйлегін киген ару пикетке шығып жанайқайын айтты (видео)

Алматылық бойжеткен "Тұрмысқа шығу керек" деген жазуы бар плакатпен бір адамдық пикетке шықты деп жазады KAZ.NUR.KZ тілшісі.

Алматылық Сабина Санбер қолына плакат ұстап, жұрт алдына шығуының себебін түсіндірді.

"Тұрмыс құру керек дейді. Не үшін? Шынымды айтсам, қазір бұл көпшілік үшін үлкен мәселе. Адамдар үйлену керек болғандықтан ғана шаңырақ көтереді. Қыз 25 жастан асып, әлі тұрмыс құрмаса, қоғам оның "отырып қалғанын", енді ешкім тұрмысқа шығуға ұсыныс жасамайтынын айтып, қысым жасайды. Бұл маған ұнамайды.

Менің жасымды естіген кез келген адам әлі тұрмысқа шықпағаныма таң қалады. Одан кейін "уақыт келді" деген әңгімелер басталады. Бұл сурет арқылы әлеуметтік стандарттарды мазақ еткім келеді, өйткені тұрмысқа шығудың нақты белгіленген уақыты жоқ. Отбасын сіз дайын болған кезде және сүйікті адамыңызды жолықтарған уақытта құру керек" , - дейді ол.

Сабина жасының нәбәрі 26-да екенін, көрікті, жеке кәсібі барын, ал мінезі анау айтқан шатақ емес екенін де атап өтті.

"Мен сияқтылар миллион. Әрбір ару өз адамын кезіктіргенде міндетті түрде тұрмысқа шығады. Тұрмысқа шығуды міндеттеп, бірінші кездескен адаммен отбасын құруға итермелеудің қажеті жоқ. Күннен-күнге елімізде ажырасқан адамдар саны артуда. Балалар толық емес отбасында өсуде. Бұны дұрыс деп ойлайсыз ба? Сондықтан өтінем, бұлай талқылауды доғарыңыздар. Тұрмысқа шығу керек болғандықтан емес, махаббатыңызды жолықтырған кезде шығыңыз", – дейді Сабина Санбер.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз