Әнші Жанна Орынбасарова: Тоқал болу арқылы танылған әртістер сахнаға келеді де, кетеді

Отандық танымал әнші Жанна Орынбасарова біреудің тоқалы болу арқылы танылған әртістердің сахнаға келіп, кететінін айтты. Әнші өнерге шынайы қалауымен келген адам ғана сахнадан ешқашан түспейтінін жеткізді, деп хабарлайды NEGE.KZ сайтына сілтеме жасаған KAZ.NUR.KZ.

"Біреудің тоқалы болу арқылы танылған әртістердің дені қайда қазір? Жоқ қой. Олар сахнаға келеді де кетеді. Өнерге жан-тәнімен беріліп, шынайы қалауымен келген адам ғана сахнадан ешқашан түспейді. Бірақ, мен біреуді пәленшенің немесе түгеншенің ақшасымен көтерілді деп сөгуден  аулақпын. Әркімнің өз тағдыры мен шығар биігі бар.

Әлеуметтік желілердің шыққанына бір жағынан қуанамын. Себебі, қазіргі жас таланттар қалталы көке мен пысық продюсер іздемей-ақ, өнерлерін бұқараға танытып жатыр. Сондықтан кімнің кім екенін халық өзі көріп отыр", - деді Жанна Орынбасарова.

Мәтіннен қате тапсаңыз, бізге жазыңыз