"Миға қонбайтын нәрсе": белгілі әнші Еңлік Құрарбек танымал тележүргізуші Динара Сәтжанға жауап берді

Жақында тележүргізуші Динара Сәтжан танымал рэпер Еңліктің гонорары 12 миллион теңге екенін айтқан болатын. Осыған байланысты әншінің өзі пікір білдірді, деп хабарлайды NTK Entertainment бағдарламасы.

"12 миллион емес. Ол кішкене өтірік айтып жіберіпті. Мүмкін, дұрыс естімеген шығар. Мүмкін, дұрыс айтпаған шығар. Ондай емес.

Менің ойымша, ол мүмкін емес нәрсе. Мен Роза Рымбаева емеспін. Мен әлем танитын Димаш Құдайбергенов емеспін.

Бұл баға - миға қонымсыз нәрсе. Сондықтан, ол дезинформация", - деді Еңлік.

Сондай-ақ әнші қазақ тілін көтеру үшін шығармашылықты бастағанын айтты.

"Ағылшын тілінде альбом емес, бір-екі ән болатын шығар. Өйткені мен қазақ тілін көтеру үшін шығармашылықты бастадым. Басқа тілде қатты керек емес", - дейді ол.

Мәтіннен қате тапсаңыз, бізге жазыңыз