Айжұлдыз Адайбекова: Үйге келін келсе, құл секілді қарайды

Актриса Айжұлдыз Адайбекова жаңа түскен келінге байланысты қоғамда қалыптасқан стереотип жайлы айтты. Өнер иесі "Оян" бағдарламасында келінге қатысты қағидаға пікір білдірді, деп жазады KAZ.NUR.KZ.

Бағдарлама мәліметіне сүйенсек, Адайбекова театрда бағын сынап, қойылымда кенже келіннің рөлін ойнаған.

"Меніңше, кейіпкерімнің мінезі өзіме сәл ұқсас. Бірақ ол маған қарағанда позитивті тұрғыда. Ал мен шын өмірде өте салмақты адаммын. Сондықтан бұл жағдайдан шығып жатырмын. Ерекше, күшті сезім.

Өкінішке қарай, бұл әлемде стереотип көп. Үйге келін келсе, оны робот немесе құл секілді қарайды. Меніңше, бұл дәстүр, қағида бірте-бірте жойылуы керек. Қазақта "Еңкейгенге - еңкей. Шалқайғанға - шалқай" деген жақсы сөз бар", - деді Айжұлдыз Адайбекова.

Айта кетейік, Айжұлдыз Адайбекова мен мобилограф Қыран Талапбек қысқа уақыт бірге тұрды. Олардың бүгінгі таңда ортақ ұлы бар.

Мобилограф Қыран Талапбек биылғы жылы екінші рет шаңырақ көтерді.