"Бәле болды": актер Айдар Асқарбек Аша Матай үшін төбелескен күндерін еске алды

Актер Айдар Асқарбек қарындасы Аша Матай үшін төбелескен күндерін еске алды. Өнер иесі бұл жайлы Taboo бағдарламасында айтып берді, деп жазады KAZ.NUR.KZ.

"Сол қыз үшін студент кезде қанша төбелестім? Бір оқиға болған. Мен үйге келсем, ол бір жаққа жиналып бара жатыр. Қай жаққа бара жатырсың деп сұрадым. Аша "Бір жаққа кетіп бара жатырмын" дейді. Алдамайтын, "қыздармен" деп айтпады. Мен бірден түсіндім де, кім екенін сұрадым. Аша қобалжып, анама қарайды. Ал анам рұқсат беріп қойған. "Барсын! Студент болды. Мен рұқсат бердім, кім екенін білемін" деді.

Мен "Бармайды" деп, есікті құлыптаймын. Тазалап, шығарып қойған аяқ киімін лақтырып жіберемін. Аша "Анашым, маған неге әпке туып бермедің? Маған бәле болды ғой" деп жылады", - деді Айдар Асқарбек.

Айта кетейік, осыған дейін Айдар Асқарбек актерлікке келгенге дейін қандай қызмет атқарғанын мәлім еткен болатын.

Мәтіннен қате тапсаңыз, бізге жазыңыз