"Кімнің шамына тигенін түсінбеймін": Тамара Асар жақында алған марапатын сынағандарға жауап берді

Әнші Тамара Асарға жақында Атырау облыстық ардагерлер кеңесінің төрағасы "Хыйуаз Доспанова" атындағы медальді табыстаған болатын. Өнер иесі NEGE.KZ сайтына сұхбат беріп, марапат үшін көпшілік айтқан сынға пікір білдірді, деп жазады KAZ.NUR.KZ.

Осыған дейін Тамара Асар қуанышты жаңалығын Instagram парақшасында жария етіп, өзіне құрмет көрсетіп, медаль табыстаған жандарға алығысын айтты.

"Мені "батыр қыз деуші халқым, маңдайыма нағыз батыр қыздың атындағы медаль бұйырды. Атырау облысы ардагерлер кеңесінің шешімімен Халық қаһарманы және қоғам қайраткері, офицер ұшқыш Хыйуаз Доспанова медалімен марапатталдым.

Хыйуаз апамдай қан майданның батыры болмасам да, жүрегіммен халқымды сүйіп, басым жерге жеткенше, халқыма арнаған әніммен, сәніммен, ата-анамнан алған тәлім тәрбиеммен, ұрпағыма дұрыс жол көрсетсем, абыроймен үлгі болсам, сол мен үшін бейбіт күннің батырлығы", - деп жазған болатын әнші.

Алайда әншінің бұл марапатты алуы көпшілік арасында сынға түскен.

"Ештеңе оқыған жоқпын және ештеңе айта алмаймын. Әркім әр түрлі пікір айта береді ғой. Маған берді ме, беруі керек болған шығар. Ешкімге ешқандай уәж айтпаймын. Халық өзі береді, халық өзі алады.

Бұл – халықтың ішінен шыққан марапат. Ал мен халыққа қарсы ештеңе айта алмаймын. Не айтса да, дұрыс. Бұл - мемлекеттік награда емес. Кімнің шамына тиіп жатқанын түсінбеймін?!

Басын иіп, кеудеме төсбелгіні түйреген қарттың өзі сексеннен асқан адам екен. Сондықтан әкемдей адамға "Кешіріңіздер, мен бұған лайық емеспін" деп бетін қайтара алмаймын ғой", - деп жауап берді Тамара Асар.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз