Подкастта әдепсіз сөздер айтқан қазақстандық блогер жауапқа тартылды

YouTube видеохостингінде әдепсіз сөздер айтып, видеоподкаст жариялаған блогер жауапқа тартылды. Бұл туралы KAZ.NUR.KZ Алматы соттарына сілтеме жасап хабарлайды.

Алматы қаласының әкімшілік құқық бұзушылық істер жөніндегі мамандандырылған ауданаралық сотымен ұсақ бұзақылық жасады деп айыпталған К.-ға қатысты әкімшілік құқық бұзушылық туралы іс қаралды (ӘҚБтК-нің 434-бабының 1-бөлігі).

"Сот YouTube видеохостингінде К.-ның әдепсіз сөздер айтқан видеоподкаст жарияланғаны анықтады. Одан әрі бұл видео басқа әлеуметтік желілерде таралған.

Сот отырысында К. өз кінәсін толық мойындап, іс материалдарында көрсетілген мән-жайларды растады", - делінген.

Сот қаулысымен К. ӘҚБтК-нің 434-бабының 1-бөлігінде көзделген әкімшілік құқық бұзушылықты жасағаны үшін кінәлі деп танылып, оған 7 тәулік мерзімге әкімшілік қамаққа алу түріндегі әкімшілік жаза тағайындалды.

Сот қаулысы заңды күшіне енген жоқ.

Мәтіннен қате тапсаңыз, бізге жазыңыз