"Екі аяғымызды бір етікке тығатын": ауласын сыпырған Мақпал Жүнісова елді тәнті етті (видео)

Қазақ эстрадасының жұлдызы Мақпал Жүнісова желіде ауласын қалай жинастырып жатқанын көрсетіп, балалық шағын еске алды. Өнер иесі бүгінде жастарды тым еркелетіп жібергенін алға тартты, деп жазады KAZ.NUR.KZ.

Мақпал Жүнісова аталмыш видеоны Instagram-дағы парақшасында бөлісті. Онда әншінің ауласын сыпырып жүргенін көруге болады.

Оған қоса өнер иесі ата-анасы жастайынан еңбекке қалай баулығанын айтып, қазіргі жастар туралы ойын жеткізді.

"Шешеміз екі аяғымызды бір тікке тығатын. "Ей қыз, тұр орныңнан" деп айтқанда жүгіріп кететін едік. Содан жаман болған жоқпыз. Қазіпгі жастар тез шаршап қалады. 4-5 кесені жуса, шаршайды. Баяғыда әке-шешеміз жастайымыздан еңбекке баулушы еді. Қазіргі жастарды "жалғызым, демалсыншы, шаршап қалмасыншы" деп шығады", - деді Жүнісова.