Алматыда танымал әнші қамауға алынды

Алматыда ARO лақап атымен танымал әнші Арман Сейтжапбар ұсталды. Бұл туралы KAZINFORM хабарлады.

Агенттік ақпаратынша, Алматы қаласы полиция департаменті биыл 2 желтоқсанда сағат 21:57-де Шаляпин көшесінде патрульдік полиция қызметкерлері "Тойота" автокөлігін тоқтатқанын хабарлаған.

Медициналық сараптама нәтижесінде көлік жүргізушісі есірткіге масаң күйде болғаны анықталған.

Тергеу барысында "Тойота" автокөлігінің иесі Арман Сейтжапбар өз көлігін есірткі шегіп, мас болған адамға тапсырғандығы белгілі болған. Оның әрекеті ӘҚбтК 608-бабы 6-бөлігімен айыпталды.

"Сот шешімімен екі азамат та қамауға алынды. Сондай-ақ жүргізуші 7 жыл мерзімге көлік құралын басқару құқығынан айырылды", - деп хабарлады ПД баспасөз қызметі.