Ақтауда екі жасар баланың мұрнынан батарейка шықты (фото)

Ақтау қаласындағы жекеменшік емханаға мазасыздық пен ұйқысыздық шағымдарымен келген екі жасар баланың мұрнынан батарейка табылған. Бұл туралы lada.kz сайтына сілтеме жасаған NUR.KZ хабарлайды.

Баланың ата-анасының айтуынша, сәбилері екі күн бойы ұйықтамаған.

Бүлдіршінді тексерген оториноларинголог ұл баланың мұрнынан батарейка барын анықтапты.

Емхана өкілдері бөгде зат алынғанын, қазір баланың жағдайы жақсы екенін мәлімдеді.

Ақ халаттылар ата-аналарды балаларды қараусыз қалдырмауға шақырып отыр.

Мәтіннен қате тапсаңыз, бізге жазыңыз