"Басын айналдырды дейді": өзінен 15 жас кіші жігітті сүйіп қалған әйел мұңын шақты

Есімі жасырын болып қалған 45 жастағы келіншек өзінен 15 жас кіші азаматпен кездесіп жүргенін айтып, жан сырын ақтарды. Әйел іnstagram әлеуметтің желісіндегі velikolepnyi_kazakhstan тобына жас жігітпен отау құруға қорқатынын жазды деп хабарлайды KAZ.NUR.KZ.

20 жылға созылған сәтсіз некеден кейін 45 жастағы келіншек қайта бағын сынамақ болып, өзінен әлдеқайда кіші жігітпен көңіл жарастырған.

"Жасым 45-те. Үш жыл бұрын 20 жыл отасқан күйеуіммен ажырасып кеттім. Бір жыл өткеннен кейін өзімнен 15 жас кіші жігітпен таныстым. Қарым-қатынасымызды құпия ұстаймын. Мен оның барлық достарымен танысып үлгердім. 4 ай бұрын жұмыс бабымен Астанаға көшіп кеткен еді. Енді жанына менің келгенімді қалап жүр. "Бірге тұрайық, бала сүйгім келеді"- дейді", - деп жазды келіншек.

Орта жастағы әйел сүйіктісінің отбасы өзін қабылдамайтынын біледі екен. Үлкен жас ерекшелігіне қарамастан жас жігітпен көңіл жарастырған келіншек елдің сөзіне қалуға қорқатын ұқсайды.

"Ол мені ата-анасымен таныстырғысы келеді. Бірақ олардың мені қабылдамайтынын білемін. Айналамыздағылардың бәрі мен оның басын айналдырып алдым деп сыбырласатынын да түсініп отырмын. Ол ешқашан отбасын құрып көрмеген. Не істерімді білмеймін. Оны сүйемін. Бірақ оған тұрмысқа шығып, бала тууға қорқамын. Жақындарымның сынына қаламын ба деп уайымдаймын",- деп мұңын шақты кейіпкер.

Мәтіннен қате тапсаңыз, бізге жазыңыз