Ер бала сүндеттелгеннен кейін ғана мұсылман бола ма?

Ер баланың тек сүндеттелгеннен кейін мұсылман болатыны рас па? Имамдар ел көкейіндегі сауалға жауап берді деп хабарлайды "Замана" басылымы.

Кейде сүндеттелген балаға тілек айта тұрып, "Ұлыңыздың мұсылман болғаны құтты болсын" дегенді естиміз.

"Әкесі - мұсылман, анасы - мұсылман бола тұра дүние есігін ашқан сәбидің сүндеттелгенше мұсылман бола қоймағаны ма? Тіпті азан шақырып, есім де қойылған ғой" деген ойдың болатыны жасырын емес.

Бұған қатысты жауап берген имамдар мұның жаңсақ пікір екенін, сәби дүние­ге келісімен-ақ мұсылман болатынын айтады.

"Бұл – қате ұғым. Сүндеттеу – мұсылман парыздарының бірі. Сәби дүние­ге келісімен-ақ - мұсылман. "Ұлыңыздың сүндеті қабыл болсын", "Сүндет тойы құтты болсын" деп тілек айт­қан орынды", - дейді жергілікті имамдар.

Мәтіннен қате тапсаңыз, бізге жазыңыз