"Әрдайым есте сақтаймыз": Нурмагомедов Қазақстанды екінші отанына теңеді

Опубликовано:

24 желтоқсан күні UFC чемпионы Хабиб Нурмагомедов Қазақстанның оңтүстік астанасына ұшып келді. ОЛ ММА бойынша турнирге мейман болып, алғы сөз сөйледі. Ресейлік спортшы Қазақстанды екінші отанына теңеді деп хабарлайды KAZ.NUR.KZ.

Фото: instagram.com/za.khabiba
Фото: instagram.com/za.khabiba: UGC

Нурмагомедов Қазақстанның тек Дағыстан емес, барлық Кавказ үшін орны бөлек екенін айтты.

"Бұл- біздің екінші отанымыз. Мұнда біреулерді жіберді, кейбіреулері көшіп келді. Қазақтар бізді өз бауырлары сияқты қабылдап, әрдайым қолдап жүрді",- деген Хабиб өз отанында "барлығы есте екенін және оны ешқашан ұмытпайтынын" тілге тиек етті.
"Сіздерге көп рахмет", -деді ресейлік чемпион.

Спортшының сөйлеген сәтінің видеосының үзіндісі za.khabiba Instagram-парақшасында жарияланды.

Жазба бірнеше сағаттың ішінде 51 мың қаралым мен 200- ден аса пікір жинады.

Айта кетейік, Хабиб Нурмагомедов Қазақстанға 24 желтоқсан күні келді. Ол Алматыдағы жанкүйерлерімен кездесу барысында қазақстандық Ник Вуйчичпен футбол ойнады.

Қол- аяқсыз дүниеге келген қазақстандық Әли Тұрғанбеков UFC жұлдызымен кездесіп, "Алматы Арена" сахнасында халық алдында жаттығу өткізді.

Естеріңізге сала кетейік, Италияның суперкубогі сарапқа салынған маңызды матчта туриндік "Ювентус" Римнің "Лациосына" 1:3 есебімен ұтылып, чемпиондық атақтан құр қалды.

Мақаланың түпнұсқасы: https://kaz.nur.kz/society/1833536-rdajym-este-saktajmyz-nurmagomedov-kazakstandy-ekinsi-otanyna-teedi/