Top.Mail.Ru

Сайт нұсқасы

ru kz

Зектілері

Сағынтаев апаттан зардап шеккен балалардың жағдайын біліп қайтты (фото)

Опубликовано:

Бүгін Алматы әкімі Бақытжан Сағынтаев балаларға шұғыл медициналық көмек көрсету орталығында болып, онда әуе апатынан зардап шегіп, ем алып жатқан тоғыз баланың жағдайын біліп қайтты деп хабарлайды KAZ.NUR.KZ оңтүстік астана әкімдігінің ресми сайтына сілтеме жасап.

Фото: almaty.gov.kz
Фото: almaty.gov.kz: Facebook

Қала басшысы ел президенті Қасым-Жомарт Тоқаевтың атынан балаларға тез сауығып кетулерін тілеп, мемлекет басшысының жаңажылдық сыйлықтарын табыс етті.

Балаларға шұғыл медициналық көмек көрсету орталығының бас дәрігері Абай Құсайыновтың айтуынша, алты бала қарқынды терапия реанимация бөлімінде, үшеуі травматология бөлімшесінде жатыр.

Фото: almaty.gov.kz
Фото: almaty.gov.kz: Facebook

Науқастар орташа ауырлық жағдайда. Екеуіне жоғары технологиялық заманауи емдеу әдістерін қолдану арқылы ота жасалды.

Дәрігердің сөзіне қарағанда, бүгінгі күні отадан шыққандардың жағдайында оң динамика бар, ауырлығы орта дәрежеде.

Қазіргі уақытта қарқынды терапия бөлімшесіндегі барлық балалар қажетті медициналық көмек алатын бейінді бөлімдерге ауыстырылды.

Фото: almaty.gov.kz
Фото: almaty.gov.kz: Facebook

Сондай-ақ бүгін Алматы әкімі Бақытжан Сағынтаев ұшақ апатынан қаза тапқандардың үйлеріне барып, отбасыларына көңіл айтты.

Еске сала кетсек, 27 желтоқсанда Алматыдан Нұр-Сұлтанға бағыт алған Bek Air әуе компаниясының рейсі апатқа ұшырады. Қаза тапқандардың нақты саны мен есімдері белгілі болды.

Апатқа ұшыраған ұшақ экипажы мен диспетчердің сөйлескен жазбасы жарияланды.

Сондай-ақ Алматы әуежайы ұшақ апатының минуттық хронологиясын жариялады.

Ұшақ апаты кезінде жас жігіт аяғы ауыр әйелді денесімен жауып қалған. Келіншектің туыстары құтқарғаны үшін Темірланға және осындай ержүрек баланы өмірге әкелген ата-анасына алғыс білдірді.

Мақаланың түпнұсқасы: https://kaz.nur.kz/society/1834094-sagyntaev-apattan-zardap-sekken-balalardy-zagdajyn-bilip-kajtty-foto/

pixel