ШҚО-дағы орман өртін сөндіруге әлемдегі ең үлкен тікұшақ жіберілді (видео)

Бүгін таңертең Көкшетаудан Шығыс Қазақстанға "Семей Орманы" резерватындағы ірі өртті өшіру үшін әлемде ең үлкен болып саналатын МИ-26Т тікұшағы жіберілді. Ол ҚР ІІМ Төтенше жағдайлар комитетіне тиесілі деп хабарлайды KAZ.NUR.KZ.

Жақында ауыр көпмақсатты МИ-26Т тікұшағы Алматыдан Көкшетауға келді. Оны өңірде ауыр қол жетімді жерлердегі өртпен күресу мақсатында пайдаланбақ болған.

Бұл ұшу аппараты өзін төтенше жағдайлардың алдын алу мен жоюда тамаша құрал ретінде көрсеткен.

Бірақ қазіргі жағдайда тікұшақ кешеден бері орманы өртке оранған Шығыс Қазақстанға көбірек қажет болып тұр.

ҚР ІІМ ТЖК хабарлауынша, тікұшақ бірден 10 тонна су құя алады және "Семей Орманы" резерватындағы өртті де солай сөндіруге тырыспақ.

Шығыс Қазақстан облысындағы әріптестеріне Көкшетау гарнизонынан 30 адам жіберілді.

Жақында өрт аумағы 100 гектар жерді алып жатқаны хабарланған еді. ЭГТБМ комитеті баспасөз хатшысы Сәкен Ділдахметтің мәліметінше, 23 сәуір күні өртпен күреске Ми-2 және Ми-8 тікұшағы және басқа техникалар мен адамдар жұмылдырылған.

Айта кетейік, жуырда он адамды өрттен құтқарған қазақ жігітіне Оңтүстік Корея билігі арнайы виза береді.

Ең маңызды әрі қызықты жаңалықтарды біздің Telegram арнамыздан оқыңыздар!