1 маусымнан бастап пойыздар еліміздің қай қалаларына қатынайды

2020 жылғы 13 мамырда коронавирус инфекцияның таралуына жол бермеу жөніндегі ведомствоаралық комиссияның отырысында ел ішінде жолаушылар пойыздарының жүруін қайта бастау туралы шешім қабылданды. Осы орайда 1 маусымнан бастап пойыздар еліміздің қай қалаларына қатынайтыны белгілі болды деп жазады KAZ.NUR.KZ порталы.

Индустрия және инфрақұлым министрлігі таратқан ақпаратқа сәйкес, бастапқы кезеңде 54 пойыз іске қосылады, Олардың ішінде:

• Нұр-Сұлтан – Алматы, Маңғыстау, Өскемен, Сарыағаш, Семей, Арқалық, Павлодар, Петропавл/Қызыл Ту, Орал, Жезқазған, Қызылорда;
• Алматы – Шымкент, Павлодар, Ақтөбе, Маңғыстау, Сарыағаш, Өскемен, Жезқазған, Урлальск, Петропавл;
• Қызылорда – Семей;
• Қостанай – Қарағанды, Арқалық, Алматы;
• Қарағанды – Жезқазған;
• Қызылорда – Көкшетау, Петропавл және қала маңы қатынастары бағыттары бойынша.

Жол жүру билеттерін сату 2020 жылғы 15 мамырдан басталады.

Ведомство жолаушыларды тасымалдау көліктегі бас мемлекеттік санитарлық дәрігердің ұсынымдарына сәйкес, сондай-ақ келесі шараларды сақтай отырып жүзеге асырылатын ескертті:

1) дене температурасын өлшей отырып, пойыз бригадалары қызметкерлерін рейс алдындағы медициналық тексеру;

2) жолсеріктердің және жолаушылардың жол жүру жолында міндетті түрде бетперделермен болуы;

3) отырғызу және түсіру кезінде қашықтықты сақтау;

4) жүру жолында вагондардың ішінде ылғалды тазалау жүргізу мерзімділігін арттыру және қалыптастыру пункттерінде дезинфекциялау;

5) жолаушылардың пойыз құрамы вагондарының арасында жүруіне және объективті себептерсіз купеден шығуына тыйым салу.

Еске сала кетсек, 1 маусымнан бастап елімізде пойыз жүре бастайтынын жазған болатынбыз.

Ең маңызды әрі қызықты жаңалықтарды біздің Instagram парақшамыздан оқыңыздар>>