Қадір түнінде мешіттер ашық бола ма: Бас мүфти жауап берді
Опубликовано:
Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Қадір түнінде мешіттердің қалай жұмыс істейтінін айтты. Бұл туралы KAZ.NUR.KZ Мемлекеттік комиссияның шұғыл штабына сілтеме жасап хабарлайды.
![Қадыр түнінде мешіттер ашық бола ма: Бас мүфти жауап берді Қадыр түнінде мешіттер ашық бола ма: Бас мүфти жауап берді](https://cdn.nur.kz/images/1120/d598db96e8858f5f.jpeg)
"Карантинге байланысты және коронавирус инфекциясының одан әрі таралуына жол бермеу мақсатында Қазақстан мешіттері түнгі уақытта жабық болады. Мешіттер таңғы сағат 07:00-ден 20:00-ге дейін ашық болады. Сондықтан Қадір түнін әрбір діндар адам дұға оқып, өз үйінде қарсы алуы керек",- деді ол.
Биыл 19 мамырдан 20 мамырға қараған түн – қасиетті Қадір түні.
Сондай-ақ, Наурызбай қажы 18 мамырдан бастап діндарлар мен Құран оқып, неке қиып, басқа да діни іс-шараларды өткізгісі келетіндер үшін мешіттер таңғы 7-ден кешкі 8-ге дейін ашық болатынын хабарлады.
"Алайда, мешіт ішіндегі адамдар санына белгілі бір шектеу қойылды. Құран оқуға арналған бөлмеде 10-нан артық адам болмауы керек. Келушілер діни нысандардың ішінде 15 минуттан артық бола алмайды. Неке қию кезінде көп дегенде 4 адам келуі тиіс. Бұл төтенше жағдай режимінің аяқталғанына қарамастан, карантиннің сақталуына байланысты қойылған шектеулер, сондай-ақ мешітке баратын адамдар медициналық маска мен қолғаптар киіп, антисептик қолданып, оған қоса намаз оқу кезінде қашықтықты сақтауы қажет",- деді қажы.
Ең маңызды әрі қызықты жаңалықтарды біздің Instagram парақшамыздан оқыңыздар>>
Мақаланың түпнұсқасы: https://kaz.nur.kz/society/1856040-kadyr-tninde-mesitter-asyk-bola-ma-bas-mfti-zauap-berdi/