jitsu gif branding logo appbranding logo app

Атырауда 200-ден аса адам 1,5 жасар баланы іздестіруде

: Depositphotos

Атырауда әскерилер, еріктілер мен Жұлдыз шағын ауданының тұрғындары 1,5 жаса сәбиді іздестіріп жатыр деп хабарлайды KAZ.NUR.KZ.

Коллаж: NUR.KZ. Фото: Ақ Жайық, facebook.com/olzhas.sultanov
Коллаж: NUR.KZ. Фото: Ақ Жайық, facebook.com/olzhas.sultanov: Depositphotos

"Ақ Жайық" басылымының мәліметінше, 1,5 жасар Әли есімді бала 20 мамыр күні сағат 13.30-да Жұлдыз шағын ауданында орналасқан үйінен шығып, сол күйі қайта оралмаған.

Полиция мәлім еткендей, балақай аталған шағын аудандағы 10-көшедегі 57-үйде тұрады. Оның бір аяғы ақсаңдап жүретіні айтылды.

Басылымның ақпарынша, іздеу жұмыстарына 50-ге жуық ерікті, 150-ден астам жергілікті тұрғын және 20 әскери қатысуда.

Жергілікті қоғам белсендісі Олжас Сұлтанов бейнебақылау камераларының жазбалары тексерілгенін атап өтті. Бейнежазбада баланың аулада жүріп көзден таса болғаны көрінеді. Анасы бір-екі минутқа үйге кіріп шыққан, сол арада Әли із-түзсіз жоғалып отыр.

Сұлтановтың айтуынша, іздеу жұмыстарына қосылған адамдар септиктерді, қоқыс жәшіктерін, аулаларды қарап шыққан.

Қоғам белсендісі өзінің Facebook парақшасында жергілікті тұрғындарды көмекке шақырған.

Сондай-ақ ол тікелей эфирге қосылып, іздеу жұмыстарының қалай жүріп жатқанын көрсеткен.

Соңғы көрсетілімді ол 22:10-да аяқтады. Іздеу жұмыстары туралы соңғы жазба Сұлтановтың парақшасында 7 сағаттан астам уақыт бұрын жарияланған. Онда сағат 23:00-дегі жағдай бойынша, баланың әлі табылмағаны айтылады.

Жергілікті тұрғындар түнімен аулаларды тексеруді жалғастыруға ниет білдірді. Жаппай іздеу шаралары 21 мамыр күні таңғы 6-да қайта жалғасуы тиіс болатын.

Қоғам белсендісі сәбидің аман-сау табылатынына үміттенуде.

Еске сала кетейік, бұған дейін Солтүстік Қазақстан облысында із-түзсіз жоғалған 81 жастағы әженің табылғанын хабарлағанбыз.

Ең маңызды әрі қызықты жаңалықтарды біздің Telegram арнамыздан оқыңыздар!

Барлығын бірінші болып біліп отырыңыз

Бізге жазылып, Қазақстанның өзекті жаңалықтарынан, қызықты суреттер, видеолар мен эксклюзивтерден хабардар болыңыз.

Instagram
Сақтаулылар
Мұнда әзірше бос
Жарияланым парақшасында «
» батырмасын қолданып, оны сақтаулылар тізіміне қосыңыз.