Ақ нәсілді жігітті шабуылдан аман алып қалған қара нәсілді азаматқа ел сүйсінді (фото)

Лондонда сенбі күні болған наразылық шерулері бақылаудан шығып, соңы зорлық-зомбылыққа ұласып кетті. Тіпті шеруге қатысушылардың бірі қара нәсілді азамат ақ нәсілдіні ер адамды қорғау мақсатында жиналған қалың жұрт арасынан қауіпсіз жерге алып шыққан деп хабарлайды KAZ.NUR.KZ порталы Zakon.kz-ке сілтеме жасап.

Басылымның мәліметінше, Патрик Хатчинсон мен тағы төрт наразылық білдіруші төбелеске ұласуға сәл қалған жанжалдың куәсі болған. Бес адам жерге құлаған ақ нәсілді азаматты қоршап алған.

Бұны байқған Патрик жерде жатқанды азаматты көтеріп алып, қауіпсіз жерге бет алған, қалған төртеуі оларды қоршап алып, шабуылдан қорғапты.

"Мен жай ғана жерде жатқан адам жайлы ойладым. Егер біз араласпағанымызда жағдай жақсылықпен аяқталмасы анық еді. Менде оны қауіпсіз жерге жеткізуден басқа ой болған жоқ. Біз дұрыс әрекет еттік", – дейді Патрик.

Белсенді Джордж Флойдтың өліміне араша түспеген Миннеаполистегі үш полицей сияқты шетте қалмауды жөн көрген.

"Наразылық дегеніміз қаралар мен ақтардың арасындағы қақтығысты білдірмейді. Біз бәріміз нәсілшілдерге қарсы болуымыз керек. Мен бәрімізге теңдей қараса екен деймін. Қазіргі уақытта таразы басы тең емес, мен тек балаларым мен немерелерімнің өмірі әділ және адал болғанын қалаймын", – деді Патрик Хатчинсон.

Еске салсақ, бұған дейін қара нәсілді азамат Джордж Флойдтың өлімінен кейін АҚШ-та басталып, Еуропа елдерінде жалғасқан тәртіпсіздіктерден фоторепортаж ұсынған едік.

Мәтіннен қате тапсаңыз, бізге жазыңыз