Коронавирус жұқтырған және оқшауланған лауазымды тұлғалар кімдер
Опубликовано:
Коронавирус Қазақстан аумағында тарауын жалғастырып жатыр. Бүгінде елде коронавируспен ауырғандар саны 15 192-ге жеткен. COVID-19 инфекциясы отандық шенеуніктерді де айналып өткен жоқ. Қазір елде алты шенеуніктен вирус анықталса, алтауы өз-өзін оқшаулау режиміне көшкен деп жазады KAZ.NUR.KZ.
![Коронавирус отандық шенеуніктерге жұқты: Алтауы оқш Коронавирус отандық шенеуніктерге жұқты: Алтауы оқш](https://cdn.nur.kz/images/1120/95d62bbf30e2bd8f.jpeg)
Осы жылдың сәуір айында COVID-19-ды Алматы қоғамдық денсаулық сақтау басқармасының жаңа басшысы және бұрынғы денсаулық сақтау вице-министрі Қамалжан Надыров жұқтырды. Ол әрі қарай ем қабылдау үшін ауруханаға жатқызылды. Надыровтың денсаулығына байланысты оған дейін денсаулық сақтау басқармасының басшысы болған Тілеухан Әбілдаевтың отставкасы кейінге қалдырылды.
![Коронавирус отандық шенеуніктерге жұқты: Алтауы оқш Коронавирус отандық шенеуніктерге жұқты: Алтауы оқш](https://cdn.nur.kz/images/1120/50b6408f2f529cce.jpeg)
Надыров емдеу курсын сәтті өткізіп, жақында жаңа қызметіне қайта оралды.
7 маусым күні президенттің баспасөз хатшысы Берік Уәли алдын алу шараларын сақтағанымен, коронавирус инфекциясын жұқтырғанын мәлімдеді. Ол медициналық мекемеге жатқызылған.
![Коронавирус отандық шенеуніктерге жұқты: Алтауы оқш Коронавирус отандық шенеуніктерге жұқты: Алтауы оқш](https://cdn.nur.kz/images/1120/6a93e54c5c7d3b2d.jpeg)
Өткен жұмада мәжіліс депутаты Бекболат Тілеуханның да коронавирус жұқтырып, ауруханаға түскені белгілі болды. Саясаткер қазақстандықтарға әлеуметтік желіде үндеу жолдап, алғашында үйінде ем қабылдағанын, алайда кейіннен ауруханаға жату үшін ақ халаттыларға жүгінуге мәжбүр болғанын жеткізді.
![Коронавирус отандық шенеуніктерге жұқты: Алтауы оқш Коронавирус отандық шенеуніктерге жұқты: Алтауы оқш](https://cdn.nur.kz/images/1120/5a4142c2d2b8de79.jpeg)
Сонымен қатар таяуда Теміртау әкімі Ғалым Әшімовтен де COVID-19 анықталды. Алайда шенеунікте ауру белгілері байқалмаған. Десе де, ол өз-өзін оқшаулап, жанұясымен де байланыспаған. Әшімовтың жақын арада жұмысқа оралатыны хабарланды.
![Коронавирус отандық шенеуніктерге жұқты: Алтауы оқш Коронавирус отандық шенеуніктерге жұқты: Алтауы оқш](https://cdn.nur.kz/images/1120/caaa9cecc59b7e8f.jpeg)
Бүгін Павлодар облысы әкімінің орынбасары Асхат Ораловтың да коронавирус диагнозымен ауруханаға түскені белгілі болды. Бұл туралы өңір әкімі аппаратының баспасөз қызметі хабарлады.
![Коронавирус отандық шенеуніктерге жұқты: Алтауы оқш Коронавирус отандық шенеуніктерге жұқты: Алтауы оқш](https://cdn.nur.kz/images/1120/18df5b7b4dd50410.jpeg)
Өткен жексенбіде Денсаулық сақтау министрлігінің басшысы коронавирус жұқтырғанын хабарлады. Ол Нұр-Сұлтан қаласында ауруханада жатыр. Ведомствоның ресми өкілі Елжан Біртановтың жағдайы туралы ақпарат ұсынды. Одан бөлек, министрдің қызметін уақытша кім атқаратыны белгілі болды.
![Коронавирус отандық шенеуніктерге жұқты: Алтауы оқш Коронавирус отандық шенеуніктерге жұқты: Алтауы оқш](https://cdn.nur.kz/images/1120/de6248e5f1ef2852.jpeg)
Елжан Біртановтан COVID-19 анықталғаны жайлы ақпараттан кейін министрмен байланыста болған бірқатар әріптестері өз-өзін оқшаулауға көшті.
Атап айтқанда, Біртановпен Жамбыл облысына бірге барған үкімет басшысы Асқар Мамин өз-өзін оқшаулады.
![Коронавирус отандық шенеуніктерге жұқты: Алтауы оқш Коронавирус отандық шенеуніктерге жұқты: Алтауы оқш](https://cdn.nur.kz/images/1120/b5760c6f42e2c642.jpeg)
Дәл осы өңірге келген үкімет делегациясы қатарында Білім және ғылым министрлігінің басшысы Асхат Аймағамбетов те болған. Қазіргі уақытта министр өз-өзін оқшаулау режиміне көшті.
![Коронавирус отандық шенеуніктерге жұқты: Алтауы оқш Коронавирус отандық шенеуніктерге жұқты: Алтауы оқш](https://cdn.nur.kz/images/1120/c784a429e65df609.jpeg)
Бұл сапарда болған ауыл шаруашылығы министрі Сапархан Омаров та өз-өзін оқшаулауда.
![Коронавирус отандық шенеуніктерге жұқты: Алтауы оқш Коронавирус отандық шенеуніктерге жұқты: Алтауы оқш](https://cdn.nur.kz/images/1120/fd517a4522a8b7c3.jpeg)
Министрлер ат басын бұрған Жамбыл облысының әкімі Бердібек Сапарбаев та оқшауланып, онлайн жұмыс істеп жатыр.
![Коронавирус отандық шенеуніктерге жұқты: Алтауы оқш Коронавирус отандық шенеуніктерге жұқты: Алтауы оқш](https://cdn.nur.kz/images/1120/5da274a16c2ce3a1.jpeg)
Жамбыл облысына барған құрамда Экология министрі Мағзұм Мырзағалиев та болған. Ведомство басшысы да өзін-өзі оқшаулау режиміне көшкен.
![Коронавирус отандық шенеуніктерге жұқты: Алтауы оқш Коронавирус отандық шенеуніктерге жұқты: Алтауы оқш](https://cdn.nur.kz/images/1120/e9c592c10bfe9511.jpeg)
Сонымен қатар 11 маусымнан бастап, Қорғаныс министрі Нұрлан Ермекбаев та өзін-өзі оқшаулау режиміне көшкен. Бұған себеп министр 24 маусым күні ресейлік әріптесінің шақыртуымен Мәскеуде өтетін Ұлы Отан Соғысындағы жеңістің 75 жылдығына арналған парадқа қатысуы.
Өзін-өзі оқшаулау бойынша шаралар шет елдерге бару тәртібін, дәрігерлердің ұсыныстарын, сондай-ақ санитарлық-эпидемиологиялық жағдайдың жай-күйін ескере отырып қабылданған.
Мақаланың түпнұсқасы: https://kaz.nur.kz/society/1860606-koronavirus-zktyrgan-zne-oksaulangan-lauazymdy-tlgalar-kimder/