Жетісайлық келіншек күніне 350 мың теңге табатын бизнес ашты (фото)

Опубликовано:

Фото
Фото: Түркістан өңірлік коммуникациялар қызметі

Түркістан облысы Жетісай қаласының тұрғыны күніне 350 мың теңге табыс түсіретін бизнес ашты деп жазады KAZ.NUR.KZ порталы Zakon.kz-ке сілтеме жасап.

Түркістан облысының өңірлік коммуникациялар қызметі таратқан ақпаратқа сәйкес, құрылғанына 1 жыл толған "Эльмира" жеке кәсіпкерлігі бүгінде тәулігіне орта есеппен 1 тонна, яғни 5000 дана сабын дайындайды екен.

Сұраныс артқан уақытта 10 мың данаға дейін артатыны белгілі болды.

Ведомсво жеке кәсіпкер әр сабынды 70-80 теңгеден саудалап, күніне 350 мың теңге табатынын мәлім етті.

Отбасылық кәсіпті 2 адам дөңгелетіп отыр екен.

Фото
Фото: Түркістан өңірлік коммуникациялар қызметі

Құрылтайшылар аталған бизнестің шығыны аз екенін мойындап отыр. Себебі қолданылған тоң май сатып алып, қайнататын көрінеді. Сонымен қатар, өнімді дайындау үшін сода да қажет.

Фото
Фото: Түркістан өңірлік коммуникациялар қызметі

"Өнімнің сапасы жоғары, әрі табиғи таза. Алдағы уақытта сұраныс артып, өнім өзге облыстарға жөнелтілетін болса, кәсіп иесі цехті үлкейтіп, қосымша жұмыс орындарын ашпақ", - делінген хабарламада.

Мақаланың түпнұсқасы: https://kaz.nur.kz/society/1873913-zetisajlyk-kelinsek-knine-350-my-tege-tabatyn-biznes-asty-foto/