Еліміздің сегіз облысында ауа райына байланысты ескерту жарияланды

«Қазгидромет» РКМ-сі Қазақстанның 8 облысында ауа райына байланысты ескерту жариялады деп хабарлайды KAZ.NUR.KZ.

Бүгін, яғни 18 қыркүйекте Ақмола облысының кей жерлеріне бұршақ жаууы мүмкін. Түнде және таңертең кей жерлерге тұман түсуі ықтимал. Солтүстік-батыстан жел соғып, жылдамдығы кей жерлерде секундына 15-20 метрге, түнде және таңертең екпіні 23 метрге жетеді деген болжам бар.

Нұр-Сұлтан қаласында түнде және таңертең солтүстік-батыстан жел соғып, екпіні секундына 15-20 метрге дейін жетеді. Ауа райына байланысты ескертудің дәлдігі 85-90 %.

Маңғыстау облысының кей жерлерінде күндіз шаңды дауыл тұрып, шығыстан, оңтүстік-шығыстан, соққан желдің жылдамдығы секундына кей жерлерде 15-20 метрге жетеді.

Ақтауда күндіз шығыстан, оңтүстік-шығыстан жел соғып, екпіні 18 м/с болады. Ауа райы болжамының ықтималдылығы 90-95%.

Ал Қызылорда облысында өрт қаупі сақталады. Ауа райы болжамының дәлдігі 90-100%.

Шығыс Қазақстан облысының кей жерлерінде найзағай ойнап, оңтүстік-батыс, батыстан соққан желдің жылдамдығы секундына 15-20 метр, екпіні 23 метрге жетеді.

Өскеменде жән Cемейде секундына 15-20 метр жылдамдықпен жел соғады.

Түркістан облысының кей жерлерінде 18 қыркүйекте түнде шаңды дауыл тұрып, батыстан соғатын желдің күші 15-20 м/с болады. Ауа райы болжамының ықтималдылығы 90-95 %.

Қостанай облысының кей жерлеріне тұман түседі. Солтүстік-батыстан, батыстан жел соғып, күші кей жерлерде секундына 15-20 метрге жетеді. Ауа райы болжамының ықтималдылығы 90-95%.

Қарағанды облысының кей жерлерінде тұман түседі. Оңтүстік-батыстан, батыстан жел соғып, кей жерлерде жылдамдығы секундына 15-20 метр, түнде екпіні 23 метр болады.

Қарағандыда батыстан жел соғып, екпіні 18 м/с болады. Ауа райы болжамының ықтималдылығы 70-75%.

18-19 қыркүйекте Солтүстік Қазақстан облысының кей жерлерінде түнде және таңертең тұман түседі. Солтүстік-батыстан соғатын жел оңтүстік-батысқа қарай ойысады, кей жерлерде күші секундына 15-20 метрге жетеді.

Петропавлда 18-19 қыркүйекте солтүстік-батыстан жел соғып, оңтүстік-батысқа қарай ойысады, екпіні 15-20 м/с болады. Ауа райы болжамының ықтималдылығы 90-95%.

Мәтіннен қате тапсаңыз, бізге жазыңыз