Қазақстанда ішінде қан бар апельсиннің сатылып жатқаны рас па (фото)

Қазнет пайдаланушылары цитрустардың ерекше сұрыптарының суретін салуда. Фотосурет авторының айтуынша, жемісте қан бар. Расында, бұл ақпар шындыққа жанаспайды деп хабарлайды Stopfake.kz.

Басылымның жазуынша, қызыл немесе қанды апельсиндер – бұл арнайы өсірілген сорт. Бұл цитрустар кәдімгі апельсиннің мутациясының нәтижесі болып табылады, бұл мандарин мен помелоны будандастырудың нәтижесінде шыққан өнім болып табылады.

Антоцианиндердің, цитрустық жемістерде сирек кездесетін гүлдерге тән пигменттердің болуы жеміске қанды реңк береді. Бұл пигменттер антиоксиданттар болып табылады және жасқа байланысты көптеген аурулардың қаупін азайтады.

Барлық цитрус жемістері сияқты, қызыл апельсиндер С және А дәрумендеріне, темір мен кальцийге бай.

Қорыта келе, ерекше қызыл жұмсағы бар апельсиндер жемістің бір түрі болып табылады. Оған ешкімнің қаны қосылмаған.

Айта кету керек, мессенджерлерде алдағы уақытта Қазақстанның аумағында екі апталық локдаун енгізілетіні туралы хабарлама тараған болатын.

Денсаулық сақтау министрлігіне қарасты тауарлар мен көрсетілетін қызметтердің сапасы мен қауіпсіздігін бақылау комитеті бұл ақпараттың шындыққа жанаспайтынын мәлімдеді.

Сонымен қатар желіде балаларды жаппай вакцинациялау үшін мектепке қайтарады деген қауесет те тараған еді. Санитарлық-эпидемиологиялық бақылау комитеті бұл хабарламаның да жалған екенін айтты.