"Өте маңызды": Елорданың бас санитары Жаңа жылды үйде қарсы алуға шақырды

Брифинг барысында Нұр-Сұлтанның бас санитар дәрігері Жанна Пірәлиева астана тұрғындарына үндеу жасады. Ол қала тұрғындарын Жаңа жылды үйде қарсы алуға және санитарлық қауіпсіздік шараларын ұмытпауға шақырды деп хабарлайды KAZ.NUR.KZ.

"Мен халқымызды Жаңа жылды үйде қарсы алуға шақырамын, бұл болашақта коронавирус инфекциясының көбеюін болдырмау үшін өте маңызды. Биыл бәріне қиын болды, дегенмен, егер біз барлық шараларды сақтайтын болсақ, маска киіп, арақашықтықты сақтасақ, жағдай жақсарады және тұрақты болады", - деді ол Нұр-Сұлтан тұрғындарына.

Қазіргі уақытта Қазақстан астанасы коронавирусқа байланысты "сары" аймақта екендігі атап өтілген.

Қыс басталғалы бері Нұр-Сұлтанда орта есеппен тәулігіне 79 коронавирус дерегі тіркелген.

Қалада ауру жұқтыру жоғарылаған жағдайда 18 объект 7 мың кереуетке біртіндеп қайта бейінделеді. COVID-19 үшін биоматериал жинауға арналған зертханалар жалпы қуаттылығы тәулігіне 12 мың зерттеудің саны 19-ға дейін көбейтілді.

Сонымен қатар, Пірәлиева жаңа жылдық кештерге, корпоративтік кештерге және басқа да бірқатар іс-шараларға тыйым салынғанын айтты. Сауда алаңы екі мың шаршы метрден асатын тамақ өнімдерін сататын гипермаркеттер мен супермаркеттер тәулік бойы жұмыс режиміне көшті.

Еске салсақ, еліміздің денсаулық сақтау министрі коронавирус инфекциясына байланысты соңғы деректерді жария еткен еді. Қазақстанда өткен тәулікте 736 адамда коронавирус індеті ПТР арқылы расталды.