RU

2021-2022 оқу жылында мектептерде "Әліппе" енгізіледі

Кітаптар
Көрнекі фото: Sputnik / Абзал Калиев

2021-2022 оқу жылында мектептерде "Әліппе" оқулығын енгізу жоспарланып отыр. Бірінші сынып оқушылары 1-2 тоқсанда "Әліппе", ал үшінші және төртінші тоқсанда "Ана тілі" пәнін оқитын болады деп жазады Sputnik Қазақстан.

Білім және ғылым министрлігінің мәліметінше, 2021 жылдың жаңа оқу жылынан бастап оқушылар "Әліппе" және "Ана тілімен" қайта қауышады.

Бірінші сынып оқушылары бастапқы екі тоқсанда "Әліппе", ал 3-4 тоқсанда "Ана тілі" пәнін оқиды.

Қазіргі кезде оқулықты шығару жұмыстары басталды. Қаңтар айында ол апробациядан өтеді. Пилоттық мектептердің тізімі бекітіліп те қойды.

Айта кетсек, "Әліппе" оқулығын әзірлеу кезінде Ахмет Байтұрсыновтың әдістемесі негізге алынды.

Бұған дейін "Әліппе" алдымен кириллица қарпімен шығарылатыны хабарланған еді. Латын графикасына көшкен жағдайда оқулық латын әліпбиіне ауыстырылады

Айта кетейік, қазақстандық оқушылар карантин кезінде қашықтан білім алып қана қоймай, пайдалы істермен де айналысқан. Мәселен, атыраулық оқушылар бос уақытын құр өткізбей, мультфильмдерді қазақ тіліне аударуға кірісті.

Назарбаев Зияткерлік мектебінің бір топ оқушысы анимациялық фильмдерді қазақ тіліне аудару арқылы дыбыстауды қолға алды. Олар қашықтан оқу жүйесіне көшкелі көп бос уақыттары пайда болғанын алға тартты.

Мақаланың түпнұсқасы: https://kaz.nur.kz/society/1892058-2021-2022-oku-zylynda-mektepterde-lippe-engiziledi/