Еліміздің бірнеше өңірінде ауа райына байланысты ескерту жарияланды

Жақын күндері республиканың басым бөлігінде жауын-шашынсыз аязды ауа-райы сақталады. Қазгидрометтің синоптиктері кейбір облыстарда дауылды ескерту жариялады деп жазады KAZ.NUR.KZ.

Синоптиктер ұсынған ақпаратқа сәйкес, 5-6 қаңтар аралығында Түркістан облысының аумағында тұман түседі.

Шымкент қаласының кейбір жерлерінде де 5-6 қаңтар аралығында тұман болады деп күтіліп отыр.

Мамандар ауа райы болжамының дәлдігі 90-95 пайызды құрайтынын жеткізді.

5 қаңтар күні Шығыс Қазақстан облысында үскірік аяз болады, кей жерлерде ол – 42 градусқа дейін жетеді. Ауа райы болжамының дәлдігі 95-100%.

5 қаңтар күні Ақмола облысының кей жерлерінде тұман түседі. Шығыстан жел соғып, күндіз желдің екпіні секундына 15 метрге жетеді. Ауа райы болжамының дәлдігі 85-90%.

5 қаңтарда Солтүстік Қазақстан облысында тұман түседі. Оңтүстік-шығыстан жел соғып, жылдамдығы секундына 15-20 метрге жетеді. Петропавлда 5 қаңтар күні күндіз оңтүстік-шығыстан жел соғып, екпіні секундына 15-20 метрге жетеді. Ауа райы болжамының дәлдігі 90-95%.

5 қаңтарда Жамбыл облысының кей жерлерінде тұман түсіп, солтүстік шығыстан жылдамдығы 15-20м/с жел соғады. Таразда 3-5 қаңтарда кей уақытта тұман түседі. Ауа райы болжамының дәлдігі 90-95%.

Естеріңізге сала кетсек, осыған дейін синоптиктер қыс қандай болатынын хабарлады.

Ауа райын болжаушылардың мәліметінше, 2020-2021 жылдардың қысы өткен жылғы қысқа ұқсас, яғни жылы және жауын-шашынды болады деп болжанып отыр.