Павлодарда - 40 градусқа жеткен аязда кіреберіс есігі қатып қалған

Павлодарда бірнеше күннен бері ауа температурасы - 40 градусқа дейін жетіп, аяз қатты болып жатыр. Қолайсыз ауа райы салдарынан кіреберістегі есіктер мен қабырғаларға мұз қатып қалған деп жазады KAZ.NUR.KZ.

Видеоролик Instagram желісіндегі tipavlo парақшасында жарияланған. Кадрларда кіреберістегі есіктің мұз болып қатып қалғаны көрінеді.

"Қараңдаршы. Мен далаға шықпайтын сияқтымын", - дейді кадр сыртындағы дауыс.

Оқырмандар жарыса пікір жазып, қалжыңдай бастаған.

"Иә, есік ашыла қоймайды", "Менің тоңазытқышым ас үйден жылы", "Мұзды кезең", Қатал павлодарлық үйлер", - дейді оқырмандар.

Gismeteo деректеріне сүйенсек, Павлодарда 5 қаңтарда -32 градус аязды көрсетіп тұр. Болжамға сәйкес, қалада -24 градусқа дейін жылынады.

Посмотреть эту публикацию в Instagram

Публикация от Instagram

Еске сала кетсек, Қазгидрометтің синоптиктері кейбір облыстарда дауылды ескерту жариялаған еді.

5 қаңтар күні Шығыс Қазақстан облысында үскірік аяз болады, кей жерлерде ол – 42 градусқа дейін жетеді. Ауа райы болжамының дәлдігі 95-100%.

5 қаңтар күні Ақмола облысының кей жерлерінде тұман түседі. Шығыстан жел соғып, күндіз желдің екпіні секундына 15 метрге жетеді. Ауа райы болжамының дәлдігі 85-90%.

5 қаңтарда Солтүстік Қазақстан облысында тұман түседі. Оңтүстік-шығыстан жел соғып, жылдамдығы секундына 15-20 метрге жетеді. Петропавлда 5 қаңтар күні күндіз оңтүстік-шығыстан жел соғып, екпіні секундына 15-20 метрге жетеді. Ауа райы болжамының дәлдігі 90-95%.

Мәтіннен қате тапсаңыз, бізге жазыңыз