"Алматының даңқын қайтару керек": Сағынтаев нүктелі құрылысқа тыйым салмақ

Алматы қаласының әкімі Бақытжан Сағынтаев құрылыс компанияларының, профильдік қауымдастықтардың және қаржы ұйымдарының өкілдерімен Алматыдағы құрылыс нарығының даму перспективаларын талқылады деп хабарлайды KAZ.NUR.KZ шаһар әкімдігіне сілтеме жасап.

Әкім тарихи орталықта, сондай-ақ тұрғын үйлердің аулаларында нүктелі құрылыс жүргізуге тыйым салынатынын баса айтты. Сондай-ақ, үйлердің арасына "кірістірулер" салуға тыйым салынады. Ал тозығы жеткен тұрғын үйлер бұзылған кезде, қазіргі биіктігін сақтай отырып, үйлер салуға рұқсат етіледі.

"Мен ереже жасауды тапсырдым, оған сәйкес тарихи орталықты дамытуға, аулалардың ақысыз учаскелерінде нүктелі құрылыс салуға және құрылысқа тыйым салынады. Негізгі міндет - қаланың қалыптасқан тарихи келбетін сақтау. Жоғалғанды, әсем Алматының қайталанбас келбеті мен бұрынғы даңқын қалпына келтіру қажет", - дейді Сағынтаев.

Сонымен қатар, тарихи орталықта орналасқан учаскелердің иелері тұрғындардың қалауына сәйкес абаттандыру жұмыстарын жүргізе алады. Олар сондай-ақ ойын алаңдары мен қоғамдық орындарды қолданыстағы архитектуралық имиджді бұзбай жабдықтай алады.

Әзірленген ережелерде ғимараттың тығыздығын, арнайы қала құрылысын реттеу аймақтарындағы ғимараттардың биіктігін ескеру жоспарлануда. Көгалдандыруға, аэрацияға, қалалық қоршаған ортаны сақтау мен жақсартуға, қасбеттердің дизайнына қойылатын талаптар жазылады.

Ережелер қаңтарда әзірленіп, ақпан айында көпшілік назарына ұсынылады деп күтілуде. Наурыз айында құжат қабылдануы мүмкін.

Құрылыс қауымдастығына Алатау ауданы мен Жаңа Алматы аумағына назар аударуға кеңес берілген.

Мәтіннен қате тапсаңыз, бізге жазыңыз