Канадалық СІМ-де жұмыс істейтін қазақ қызы: Ұлым Қазақстан намысын қорғаса деймін

Жуырда қазақстандық спорт порталдарының біріне сұхбат берген 17 жастағы Марк Уэбб есімді канадалық хоккейші Алматыда дүниеге келгенін, алдағы уақытта хоккейден Қазақстан ұлттық құрамасында өнер көрсеткісі келетінін айтқан болатын. Марктің анасы Нұргүл Канада Үкіметінде, нақтырақ айтсақ, Сыртқы істер министрлігінде сауда жөніндегі кеңесші қызметін атқарады деп жазады Түркістан басылымы.

Нұргүл Қызылорда қаласында өмірге келген. Ол сыр еліндегі жергілікті жоғары оқу орнында білім алып, әділет басқармасында жұмыс істеп, кейін Алматы қаласына көшіп келген.

"Сол уа­қытта бас кеңсесі Алматыда ор­на­ласқан KEGOC компаниясына жұ­мысқа тұрдым. Кейіннен Ұлттық банк­ке ауыстым. Сол жылдары аме­ри­калық компанияда консультант қызметін атқарып жүрген күйеуім сол банктің ішіндегі кеңселердің бірін жалдап, сонда жұмыс істейтін. Ол да мен секілді заңгер. Сөйтіп, сол ғимараттың дәлізінде кездейсоқ танысып, артынша көңіліміз жа­расып, отбасылы болдық. Үлкен жә­не ортаншы ұлым Қазақстанда ту­ды. Кейіннен жолдасымның жұ­мыс бабымен Черногория, Албания, Үн­дістан, Болгария және Армения ел­дерінде тұрдық. Сосын Канадаға келіп, соның ішінде ел астанасы Оттаваға тұрақтадық. Осында кіші ұлы­мыз дүниеге келді. Қазір Отта­вада тұрып жатқанымызға он бір жыл болды", - деді Нұргүл.

Оның айтуынша, Ка­надада министрлікке жұмысқа тұру екінің бірінің қолынан келе бер­мейді.

Бірақ мен әлгі бағдарлама бойын­ша конкурстан өту үшін барым­ды салдым, дейді Қызылорда қаласының тумасы.

Ол Канаданың сыртқы істер министрлігінде сату жөніндегі кеңесші қызметін атқаратынын сөз етті.

"Бұл министрлікте жұ­мыс істегеніме биыл алты жыл бол­ды. Канаданың өзге елдермен сау­да қатынастарын дамытуға ат­са­лысамын. Қазақстанмен байла­ныс­ты іске араласпаймын. Алайда осын­дағы Қазақстан елшілігінде жұ­мыс істейтін қазақтарға көмек­те­сіп тұрамын. Әсіресе, олардың әйел­дері ағылшын тілін жөнді біл­мейтіндіктен, ауруханаға тіркелу, мектепке қабылдану секілді мәсе­ле­лерін шешіп беремін. Сондай-ақ аудар­ма жасап беремін. Жалпы, Қа­зақ­станда жүрмесем де, елде бо­лып жатқан жайттарды сырттай ба­қылаймын. Әсіресе, жуырда өткі­зілген Парламент Мәжілісі және мәс­лихат депутаттарының сай­лауын бақыладым. Сосын панде­мия­ға байланысты елдегі эпиде­мио­логиялық ахуал туралы жаңа­лықтарды үзбей оқып тұрамын". - деді Нұргүл.

Ол ұлы Марк-Әсет хоккеймен кәсіби түрде айналысатынын, баласының Қазақстан құрамасында өнер көрсеткісі келетінін жасырмады.

"Не­гізі, Марк-Әсет хоккеймен қатар, фут­болды да жақсы ойнады, тіпті ко­манда капитаны атанғаны бар. Со­сын екі спорттың біреуін таң­дай­тын кезде, хоккеймен кәсіби түрде шұ­ғылдануға бел буды. Бірде От­тава­да Қазақстан жасөспірімдер құра­масының Чехия командасына қарсы өткізген ойынына билет пен "Қа­зақстан" деген жазуы бар шарф са­тып алып, аренада "Алға!" деп ай­қайлап, отбасымызбен жанкүйер бол­ғанбыз.

Ұлдарым қазір де "Ана­шым, қазір Қазақстан құрамасы ойнай­ды! Кеттік, бірге көреміз!" деп мені өздерімен ертіп алады. Айт­пақ­шы, ұлым берген сол сұхбатты жұмыстағылармен бөліскенмін. Қазақстандағы Канаданың Төтенше және өкілетті елшісі Николас Брус­со оқығысы келетінін айтып, сіл­те­месін жіберуімді сұрады. Жалпы, бұл сұхбат  Қазақстан мен Кана­да­ның арасындағы сыртқы қаты­нас­тарды жақсартуға септігін тигізетін фак­тор деп айта аламын", - деді Канаданың сыртқы істер министрлігінің қызметкері

Осы орайда Нұргүл ұлын хоккейден Қазақстан құрамасына шақырады деп үміттеніп отырғандарын жеткізді.

"Егер елге шақыратын болса, мен де қа­сына еріп келетін едім", - деді ол.