"Қорыққан": Министрлік вакцина салдырып, есінен танған медбике жайлы айтты

Денсаулық сақтау министрінің орынбасары Орталық коммуникациялар қызметіндегі онлайн брифингте Талдықорғандағы оқиғаға қатысты түсініктеме берді. Мұнда бүгін вакцинация кезінде облыстық аурухананың медициналық қызметкерлерінің бірінің жағдайы нашарлаған деп хабарлайды KAZ.NUR.KZ.

Бұқаралық ақпарат құралдары өкілдері таңертең Талдықорғанда коронавирусқа қарсы ресейлік "Спутник-V" вакцинасы енгізілгеннен кейін медицина қызметкерінің есінен танғаны туралы ақпарат пайда болғанын атап өтті.

Осыған байланысты олар осы медициналық қызметкердің қазіргі кезде өзін қалай сезінетінін, жалпы, 1 ақпаннан бастап қанша дәрігерге вакцина егілгенін және олардың иммундауға кері реакциясы бар-жоғын сұрады.

Бұған жауап ретінде Ажар Ғиният екі күнде 5 мыңнан астам медициналық қызметкер вакцинациядан өткенін айтты.

"Талдықорғанда болған жағдай вакцинаның сипатына байланысты емес. Бұл вакцинаға аллергиялық реакция емес. Медбике вакцинадан қорыққанын мойындады, осыған байланысты оның қан қысымы көтерілді", – деп түсіндірді ол.

Еске салсақ, денсаулық сақтау министрлігі Орталық коммуникациялар қызметіндегі онлайн брифингте "Спутник V" вакцинасы ресми тіркеуден өтпестен бұрын халықты жаппай вакцинациялауды бастағанын айтты. Алғашқы 22 мың доза бір реттік партия болып импортталды, ал вакцинаны тіркеуді жақын арада аяқтау жоспарланған.

Оған қоса, вакцина салдырған қазақстандықтарға еркін жүріп тұру үшін электронды төлқұжат беріледі.