RU

Қауіпті індет: Қазақстан коронавирус бойынша "жасыл" аймаққа кірді

Көшедегі адам
Көрнекі фото: NUR.KZ

Эпидемиологиялық ахуалды бағалау бойынша соңғы мәліметтерге сәйкес, Қазақстан коронавирустың таралуы бойынша "сары" аймақтан шығып, "жасыл" аймаққа кірді деп хабарлайды "COVID-19 таралуына жол бермеу жөніндегі ВАК"-тың ресми Telegram арнасы.

Қазіргі уақытта біздің елде коронавирусқа қатысты жағдай келесідей:

  • "қызыл" аймақта: Ақмола, Павлодар, Солтүстік Қазақстан облыстары;
  • "сары" аймақта: Нұр-Сұлтан қаласы, Атырау, Шығыс Қазақстан, Батыс Қазақстан, Қостанай, Қарағанды ​​облыстары;
  • еліміздің басқа аймақтары "жасыл" аймақта.

Сондай-ақ, Қазақстан Республикасы "жасыл" аймаққа кірді.

Еске салсақ, елімізде өткен тәулікте коронавирус жұқтырған тағы 1186 адам тіркелген. Осылайша, қазіргі уақытта Қазақстанда COVID-19 инфекциясы анықталғандар саны 192 825-ке жетіп отыр.

Айта кеткен жөн, 1 ақпанда Қазақстанда коронавирусқа қарсы жаппай вакцинация басталды.

Екпені алғашқылардың бірі болып денсаулық сақтау вице-министрі Ажар Ғиният пен еліміздің бас санитар дәрігері Ерлан Қиясов салдырды.

Сонымен қатар, бас санитар дәрігер шенеуніктер коронавирусқа қарсы шынайы вакцинаны салдырмайды деген қауесетке де жауап берген болатын.

Сондай-ақ, Қиясов коронавирусқа қарсы вакцинаның жағымыз әсері болса, әрбір жағдай жеке дара тексерілетінін айтты. Оның айтуынша, вакцинацияның әрбір кезеңінде өндірушіден бастап емдеу мекемелеріне дейін жауапкершілік ортақ, барлығына бірдей болады.

Мақаланың түпнұсқасы: https://kaz.nur.kz/society/1897486-qauipti-indet-qazaqstan-koronavirus-boiynsa-zasyl-aimaqqa-kirdi/