Көктемге санаулы күн қалғанда Алматыны қалың қар басты (фото, видео)
Опубликовано:
![Алматыда қар жауды Алматыда қар жауды](https://cdn.nur.kz/images/1120x630/e2220d4ef4fc4603.jpeg)
Алматыда 2021 жылдың 24 ақпанынан 25-іне қараған түні қаланы қалың қар басты деп хабарлайды NUR.KZ.
Тротуарлар да, автомобиль жолдарының бір бөлігін де қалың қар басты. Адамдар жылы киімдерін киіп, жауын-шашыннан қолшатырдың көмегімен қорғануға мәжбүр.
![Алматыда қар жауды Алматыда қар жауды](https://cdn.nur.kz/images/1120/8e7470cca20170eb.jpeg)
Қазгидрометтің ресми сайтындағы ауа райы болжамына сәйкес, бүгін Алматыда қар жауады, ауа температурасы күндіз және түнде минус 8-10 градус болады.
![Алматыда қар жауды Алматыда қар жауды](https://cdn.nur.kz/images/1120/fed1f4095afbd7c9.jpeg)
Ертең және бүрсігүні оңтүстік астанада синоптиктер ауа райы бұлтты, жауын-шашынсыз болады деп уәде етеді. Термометр бағаны 26 ақпанда күндіз минус 8-10 градус, түнде минус 13-15 градус көрсетеді; 27 ақпанда күндіз минус 5-7 градус, түнде минус 13-15 градусты көрсетеді.
![Алматыда қар жауды Алматыда қар жауды](https://cdn.nur.kz/images/1120/6e81c294e3353ae2.jpeg)
Сонымен қатар, Telegram-дағы "Алматы әкімдігінің жаңалықтары" ресми арнасының хабарлауынша, 24 ақпанда сағат 16:00-де Алматы қаласында жаңбыр аралас қар жауа бастаған, ол 25 ақпанда сағат 01:00-ден бастап ауа температурасының минус 10 градусқа дейін күрт төмендеуінен қарға айналды.
![Алматыда қар жауды Алматыда қар жауды](https://cdn.nur.kz/images/1120/801780a372c73aa1.jpeg)
Сағат 09:00-де қалада 20-30 см, таулы және тау бөктеріндегі аудандарда 30-40 см қар жауды.
![Алматыда қар жауды Алматыда қар жауды](https://cdn.nur.kz/images/1120/fffe49831127cd70.jpeg)
Көктайғақ құбылыстарының алдын алу үшін жолдарға, қиылыстарға және жол айрықтарына көктайғаққа қарсы материалдар себілген.
![Алматыда қар жауды Алматыда қар жауды](https://cdn.nur.kz/images/1120/9feebb72b1425770.jpeg)
Қар тазалау жұмысына 560 техника бірлігі, оның ішінде 211 құмлақтырғыш пен 1490 жол жұмысшысы жұмылдырылған. Көктайғаққа қарсы 3540 тонна материал пайдаланылды.
![Алматыда қар жауды Алматыда қар жауды](https://cdn.nur.kz/images/1120/51f9948730e56c9b.jpeg)
Сағат 3.00-ден бастап қар күреу үшін колонналар жол полициясы патрульдік машиналарының еріп жүруімен ұйымдастырылды.
![Алматыда қар жауды Алматыда қар жауды](https://cdn.nur.kz/images/1120/d95bae89e19a44b5.jpeg)
Тротуарларды, жаяу жүргіншілер аймақтарын, қоғамдық көлік аялдамаларын, автотұрақ қалталарын, үстіңгі өткелдерді және ортақ пайдаланылатын жерлерді тазарту жұмыстары жүргізілуде.
![Алматыда қар жауды Алматыда қар жауды](https://cdn.nur.kz/images/1120/72cd61122fc19f39.jpeg)
Қар тасып шығару жұмыстары басталды, жаппай қар шығару таңғы қарбалас уақытынан кейін жоспарланған. Таңертеңгі сағат 09:00-де 1350 текше метр қар шығарылды.
![Алматыда қар жауды Алматыда қар жауды](https://cdn.nur.kz/images/1120/3bd2655ba4272c25.jpeg)
Аудандық әкімдіктерде қар тазалау жұмыстарын бақылау үшін тәулік бойы күзет ұйымдастырылды.
![Алматыда қар жауды Алматыда қар жауды](https://cdn.nur.kz/images/1120/da32ba3b71cb06c2.jpeg)
![Алматыда қар жауды Алматыда қар жауды](https://cdn.nur.kz/images/1120/222a7d042a67e80e.jpeg)
![Алматыда қар жауды Алматыда қар жауды](https://cdn.nur.kz/images/1120/e80ed42e21b816b0.jpeg)
![Алматыда қар жауды Алматыда қар жауды](https://cdn.nur.kz/images/1120/64b5d083e1a7039b.jpeg)
![Алматыда қар жауды Алматыда қар жауды](https://cdn.nur.kz/images/1120/2ff8d9c9e4495769.jpeg)
Мақаланың түпнұсқасы: https://kaz.nur.kz/society/1900739-almatyny-qalyn-qar-basty-foto-video/