Top.Mail.Ru

Сайт нұсқасы

ru kz

Зектілері

377 адамның жағдайы ауыр: КВИ жұқтырғандарға қатысты тың ақпарат жария болды

Опубликовано:

Коронавирус
Көрнекі фото: pixabay.com

Елімізде коронавирус жұқтырған 377 адамның жағдайы ауыр деп бағалануда. Коронавирусқа шалдыққандар туралы 3 сәуірдегі ақпарат COVID-19 таралуына жол бермеу жөніндегі ВАК-тың ресми Telegram-каналында жария болды.

3 сәуірдегі мәлімет бойынша, 26 821 адам короновирус инфекциясынан (25 362 КВИ+ және 1 459 КВИ-) емделуде, олардың ішінде 9 554 пациент стационарда, 17 267 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

• 377 адамның жағдайы ауыр;

• 98 пациенттің жағдайы өте ауыр;

• 63 науқас ӨЖЖ аппаратында жатыр.

COVID-19 белгілері бар пневмониямен сырқаттанушылар жөніндегі деректер де назарға ұсынылды. ВАК ұсынған мәліметтерге сенсек, 2021 жылғы 1 сәуірдегі мәлімет бойынша 70 жаңа жағдай тіркелді, 2 жағдай өліммен аяқталған, 192 адам жазылып шыққан.

Ал 2020 жылдың 1 тамызынан бастап:

Науқастар саны – 50 765, өлім жағдайлары - 696, барлығы 48 610 адам сауығып шықты.

Еске салсақ, бұған дейін Қазақстан коронавирустың таралуы бойынша антирекордты жаңартқанын жазған едік.

Одан бөлек, Алматы қаласының бас мемлекеттік санитар дәрігері Жандарбек Бекшин 2 сәуірде коронавирустық инфекцияның таралуын шектеу шараларын күшейту туралы жаңа қаулыға қол қойғанын жазған болатынбыз.

Қаулы сенбі, үшінші сәуірден бастап өз күшіне енді. Бүгінгі күннен бастап студенттер мен оқушылар 2020-2021 оқу жылының соңына дейін қашықтықтан оқытуға ауыстырылды.

Мақаланың түпнұсқасы: https://kaz.nur.kz/society/1906098-377-adamnyn-zagdaiy-auyr-kvi-zuqtyrgandarga-qatysty-tyn-aqparat-zariya-boldy/

pixel