Қазақстандықтар мамырда неше күн демалады

Мамыр айында қазақстандықтарды 18 жұмыс күні мен 13 демалыс күні күтуде. "Электрондық үкіметтің" Egov.kz ресми порталы демалыс күндеріне қатысты ақпаратты назарға ұсынды.

1 мамырда тұрғындар Қазақстан халқының бірлігі күнін атап өтеді. Мерекеге орай демалыс 3 күнге созылады: 1 мамыр (сенбі), 2 мамыр (жексенбі) және 3 мамыр (дүйсенбі).

Ескерту: Мемлекеттік мереке демалыс күндеріне (сенбі немесе жексенбі) сәйкес келсе, демалыс бір күнге ұзартылады.

7 мамыр - Отан қорғаушылар күні дәстүрлі түрде бір күн ғана атап өтіледі. Бұған қоса, қазақстандықтар 8 мамыр, сенбіде демалады.

Жеңіс күніне орай тұрғындар 9 мамырда (жексенбі) және 10 мамырда демалады (дүйсенбі).

Нәтижесінде мамырда барлығы 13 демалыс күні болмақ. Аптасына алты күн жұмыс істейтін қазақстандықтар болса, 11 күн демалады: 1, 2, 7, 9 және 10 мамыр (3-ші және 8-ші мамырда олар жұмыс істейді).

Айта кетейік, биыл ең ұзақ демалыстардың бірі наурыз айында болды.

Сонымен қатар бұған дейін көктемде мұсылман қауымын қандай қасиетті мерекелер күтіп тұрғанын жазған едік.

Мәселен, санаулы күндерден кейін қасиетті Рамазан айы басталады.

Рамазан айы 13 сәуірден 12 мамырға дейін жалғасады. 13 мамыр – Ораза айт болса, 8 мамырдан 9 мамырға қараған түн – Қадір түні болмақ.

Ал 20 шілде Құрбан айттың бірінші күні. Тамызда мұсылман қауымы Ашура күнін, қазан айында Мәуліт мерекесін атап өтеді.