Қазақстанда жаңа мереке пайда болды

Қазақстан үкіметінің 2021 жылғы 30 наурыздағы қаулысымен Қазақстан Республикасындағы мереке күндерінің тізбесіне толықтырулар енгізілді деп хабарлайды zakon.kz.

Осылайша, тізбе мынадай мазмұндағы 11-1-тармақпен толықтырылды:

"7 маусым - монополияға қарсы орган қызметкерлерінің күні".

Қаулы алғашқы ресми жарияланған күннен кейін қолданысқа енгізіледі.

Естеріңізге сала кетейік, осыған дейін қазақстандықтар мамыр айында неше күн демалатынын хабарлаған едік.

1 мамырда тұрғындар Қазақстан халқының бірлігі күнін атап өтеді. Мерекеге орай демалыс 3 күнге созылады: 1 мамыр (сенбі), 2 мамыр (жексенбі) және 3 мамыр (дүйсенбі).

Ескерту: Мемлекеттік мереке демалыс күндеріне (сенбі немесе жексенбі) сәйкес келсе, демалыс бір күнге ұзартылады.

7 мамыр - Отан қорғаушылар күні дәстүрлі түрде бір күн ғана атап өтіледі. Бұған қоса, қазақстандықтар 8 мамыр, сенбіде демалады.

Жеңіс күніне орай тұрғындар 9 мамырда (жексенбі) және 10 мамырда демалады (дүйсенбі).

Нәтижесінде мамырда барлығы 13 демалыс күні болмақ. Аптасына алты күн жұмыс істейтін қазақстандықтар болса, 11 күн демалады: 1, 2, 7, 9 және 10 мамыр (3-ші және 8-ші мамырда олар жұмыс істейді).

Сонымен қатар бұған дейін көктемде мұсылман қауымын қандай қасиетті мерекелер күтіп тұрғанын жазған едік.

Мәселен, санаулы күндерден кейін қасиетті Рамазан айы басталады.

Рамазан айы 13 сәуірден 12 мамырға дейін жалғасады. 13 мамыр – Ораза айт болса, 8 мамырдан 9 мамырға қараған түн – Қадір түні болмақ.

Ал 20 шілде Құрбан айттың бірінші күні. Тамызда мұсылман қауымы Ашура күнін, қазан айында Мәуліт мерекесін атап өтеді.