RU

Ақтауда вакцина салдыру үшін жаппай емханаға келген тұрғындар видеоға түсіп қалды

Ақтау
Видеодан кадр: Lada.kz

Ақтаудағы емханалардың бірінде вакцина салдыру үшін ұзын-сонар кезекте тұрғандардың видеосы желіде тарады. Жағдайға қатысты Маңғыстау облысы денсаулық сақтау басқармасы пікір білдірді деп жазады Lada.kz.

Порталдың жазуынша, бейнежазба 8 тамыз күні Ақтаудағы 7-шағын ауданда қалалық емханада түсірілген.

Ведомсто демалыс күндері Ақтауда коронавирусқа қарсы вакцина салдырғысы келген адамдар саны бірден өскенін хабарлады. Тұрғындардың көпшілігі №1 қалалық емханаға келген.

Денсаулық сақтау басқармасының ақпаратынша, қазіргі уақытта емханада 3 екпе егу кабинеті жұмыс істейді. Тағы біреуі жуырда ашылады.

Ведомствоның мәліметінше, жағдай бақылауда. Адамдардың кезекте тұрмауы үшін оларға басқа емханаға баруға кеңес берілген.

Мақаланың түпнұсқасы: https://kaz.nur.kz/society/1926150-aqtauda-vakcina-saldyru-usin-zappai-emxanaga-kelgen-turgyndar-videoga-tusip-qaldy/