Қазақстан мұсылмандары діни басқармасы ертең, 27 тамыз жұма намазы қай өңірлерде оқылатынын хабарлады.
Мүфтияттың мәліметінше, соңғы күндері ҚМДБ-ға "Жұма намазы оқыла ма?" деген сауалмен көптеген адам хабарласатын болған.
Тіпті, діни ақпарат беру орталығының (Call орталық) 8 71 72 33 30 30 нөміріне бейсенбі-жұма күндері хабарласушылардың басым көпшілігі қасиетті күні оқылатын намаздың өтетін-өтпейтінін сұрайтын көрінеді.
"Осы орайда еліміздің қай өңірлерінде 27 тамыз күні жұма намазы қай өңірлерде оқылатыны жөнінде жамағатты құлағдар етуді жөн санап отырмыз. ҚМДБ-ға қарасты 19 өкілдік болса, соның тек 5-уінде ғана жұма намазын оқу уақытша тоқтатылған. Ал қалған өңірлерде жұма намазы мешіт ауласында атқарылып келеді.
Сондай-ақ, елімізде карантин күшейтілген күндердің өзінде жұма, жамағат намаздары оқылмай қалса да, мешіттерде бес уақыт намазға азан айту үзілген емес", – дейді Қазақстан мұсылмандары діни басқармасы.
Осы орайда ҚМДБ ертең, 27 тамыздағы жұма намазы қай қалаларда оқылатыны жайлы мәлімет берді.
- Нұр-Сұлтан қаласы – оқылмайды
- Алматы қаласы – оқылмайды
- Шымкент қаласы – оқылмайды
- Алматы өңірі – мешіт ауласында оқылады
- Шығыс Қазақстан облысы – мешіт ауласында оқылады
- Қарағанды облысы – оқылмайды
- Атырау облысы – мешіт ауласында оқылады
- Солтүстік Қазақстан облысы – мешіт ауласында оқылады
- Ақмола облысы – мешіт ауласында оқылады
- Ақтөбе облысы – мешіт ауласында оқылады
- Батыс Қазақстан облысы – оқылады
- Маңғыстау облысы – мешіт ауласында оқылады
- Түркістан облысы – мешіт ауласында оқылады
- Павлодар облысы – мешіт ауласында оқылады
- Семей өңірі – мешіт ауласында оқылады
- Талдықорған өңірі – мешіт ауласында оқылады
- Қызылорда облысы – мешіт ауласында оқылады
- Жамбыл облысы – оқылмайды
- Қостанай облысы – мешіт ауласында оқылады.
Сонымен қатар, діни басқарма мешітке келуші жамағаттан санитарлық талаптарды ескеріп, бетперде тағып келуді, антисептик пайдалануды және пандемия жағдайына байланысты бекітілген ережелерге түсіністік танытуларын сұрайды.
Мақаланың түпнұсқасы: https://kaz.nur.kz/society/1928998-qmdb-erten-zuma-namazy-qai-onirlerde-oqylatynyn-xabarlady/
