Еліміздің бірнеше өңірінде дауылды ескерту жарияланды

"Қазгидромет" РМК синоптиктері 17 қыркүйекте Қазақстанның бірқатар өңірінде ауа райына байланысты ескерту жариялады.

17 қыркүйекте Солтүстік Қазақстан облысында оңтүстік-батыстан, батыстан жел соғады, түнде облыстың солтүстік-батысында екпіні 15-20 м/с, күндіз басым бөлігінде күші 15-20 м/с, екпіні 23-28 м/с күтіледі.

Қостанай облысының солтүстігінде 3 градусқа дейін үсік күтіледі. Күндіз облыстың оңтүстігінде найзағай күтіледі. Солтүстік-батыстан, батыстан жел соғады, күші күндіз облыстың солтүстік-шығысында 15-20 м/с.

Күндіз 17 қыркүйекте Маңғыстау облысының орталығында және оңтүстік-шығысында, шаңды дауыл күтіледі. Солтүстіктен, солтүстік-шығысында соғатын жел, күші түнде орталығында және облыстың батысында, күндіз орталығында және облыстың оңтүстік-шығысында 15-20 м/с жылдамдықпен соғады.

Қызылорда облысының солтүстігінде найзағай күтіледі. Оңтүстік-батыстан соғатын жел солтүстік-батысқа ауысады, күндіз облыстың орталығында 15-20 м/с жылдамдықпен жел соғады.

Павлодар облысында оңтүстік-батыстан жел соғады 15-20 м / с, облыстың оңтүстігінде желдің жылдамдығы 25 м/с жетеді.

Түнде 17 қыркүйекте Батыс Қазақстан облысының солтүстік-шығысында топырақ бетінде 3 градус үсік күтіледі.

Нұр-Сұлтан қаласында батыстан, оңтүстік-батыстан жел соғады, екпіні 15-20 м/с күтіледі.

Шығыс Қазақстан облысының батысында, солтүстік-батысында найзағай күтіледі. Жел оңтүстік-шығыстан оңтүстік-батысқа ауысады, облыстың батысында, солтүстік-батысында екпіні 15-20 м/с.

Ақмола облысының солтүстік-батысында және оңтүстігінде, батыстан, оңтүстік-батыстан жел соғады.

Күндіз 17 қыркүйекте Қарағанды облысының батысында, солтүстігінде және орталығында оңтүстік-батыстан жел соғады, екпіні 15-20 м/с жетеді.